ദില്ലി: എയര്‍ഹോസ്റ്റസിനെ വെന്റിലേറ്ററില്‍ വച്ച് ലൈംഗിക പീഡനത്തിനിരയാക്കിയ ആശുപത്രി ജീവനക്കാരന്‍ പിടിയില്‍. ഗുരുഗ്രാമിലെ സ്വകാര്യ ആശുപത്രിയിലാണ് എയര്‍ഹോസ്റ്റസ് വെന്റിലേറ്ററില്‍ വച്ച് ലൈംഗിക പീഡനത്തിന് ഇരയായത്. ആശുപത്രിയില്‍ ടെക്‌നീഷ്യനായ ദീപക് എന്നയാളാണ് പോലീസ് പിടിയിലായത്.
പരാതി നല്‍കി അഞ്ച് ദിവസത്തിനുശേഷമാണ് പ്രതിയെ പിടികൂടാനായത്. ആശുപത്രിയില്‍ വെന്റിലേറ്ററിയില്‍ കഴിയുമ്പോള്‍ ലൈംഗികാതിക്രമം നേരിട്ടെന്ന എയര്‍ഹോസ്റ്റസിന്റെ പരാതി രാജ്യത്തെ ഒന്നാകെ ഞെട്ടിച്ചിരുന്നു. 46 കാരിയായ എയര്‍ഹോസ്റ്റസിന്റെ പരാതിയുടെ അടിസ്ഥാനത്തില്‍ സദര്‍ പോലീസ് സ്റ്റേഷനിലാണ് കേസ് രജിസ്റ്റര്‍ ചെയ്തത്. ഗുരുഗ്രാമിലെ സ്വകാര്യ ആശുപത്രിയില്‍ വച്ച് ഏപ്രില്‍ ആറിന് പീഡിപ്പിക്കപ്പെട്ടെന്നാണ് എയര്‍ഹോസ്റ്റസ് നല്‍കിയ പരാതിയില്‍ പറയുന്നത്.
ഏപ്രില്‍ 13 ന് ഡിസ്ചാര്‍ജ് ചെയ്ത ശേഷമാണ് യുവതി ഭര്‍ത്താവിനോട് ഇക്കാര്യം പറഞ്ഞത്. പിന്നാലെ പോലീസ് സ്റ്റേഷനില്‍ പരാതി നല്‍കുകയായിരുന്നു. ട്രെയിനിങില്‍ പങ്കെടുക്കാനാണ് എയര്‍ ഹോസ്റ്റസ് ഗുരുഗ്രാമില്‍ എത്തിയത്. അതിനിടെ ഹോട്ടലിലെ സ്വിമ്മിങ് പൂളില്‍ വീണ് ഗുരുതരാവസ്ഥയിലായ യുവതിയെ ഗുരുഗ്രാമിലെ ആശുപത്രിയില്‍ പ്രവേശിപ്പിക്കുകയായിരുന്നു. വെന്റിലേറ്ററിയിരുന്ന സമയത്ത് നിലവിളിക്കാനോ എതിര്‍ക്കാനോ കഴിയുന്ന അവസ്ഥയില്‍ ആയിരുന്നെന്നും പരാതിയില്‍ ചൂണ്ടികാട്ടിയിരുന്നു. അന്ന് ഡ്യൂട്ടിയില്‍ ഉണ്ടായിരുന്നവരുടെ ലിസ്റ്റും സി സി ടി വി ദൃശ്യങ്ങളുമടക്കം പരിശോധിച്ചാണ് പ്രതിയെ പോലീസ് പിടികൂടിയത്.
.jpg)
Related News
