വാഷിംഗ്ടണ്: ഇറാനുമായുള്ള രണ്ടാഴ്ചത്തെ വെടിനിര്ത്തല് കരാര് നീട്ടാന് താല്പര്യമില്ലെന്ന് അമേരിക്കന് പ്രസിഡന്റ് ഡൊണാള്ഡ് ട്രംപ്. നിലവില് അമേരിക്ക മികച്ച ചര്ച്ചാ സാഹചര്യത്തിലാണെന്നും ഉടന് തന്നെ മികച്ചൊരു കരാറില് എത്താനാകുമെന്നും അദ്ദേഹം സിഎന്ബിസിക്ക് നല്കിയ അഭിമുഖത്തില് വ്യക്തമാക്കി. 'വെടിനിര്ത്തല് നീട്ടാന് എനിക്ക് താല്പര്യമില്ല. അതിനുള്ള സമയം നമ്മുടെ കൈവശമില്ല.' - ട്രംപ് പറഞ്ഞു.
ഇറാനുമായി ഉടന് ധാരണയിലെത്താന് സാധിച്ചില്ലെങ്കില് സൈനിക ആക്രമണം പുനരാരംഭിക്കുമെന്ന കര്ശന മുന്നറിയിപ്പും ട്രംപ് നല്കി. ചര്ച്ചകളില് വിട്ടുവീഴ്ചയില്ലാത്ത സമീപനം സ്വീകരിക്കുന്നതാണ് ഉചിതമെന്നും യുഎസ് സൈന്യം സജ്ജമാണെന്നും അദ്ദേഹം കൂട്ടിച്ചേര്ത്തു. അതേസമയം, യുദ്ധക്കളത്തില് ഇതുവരെ പുറത്തെടുക്കാത്ത പുതിയ തന്ത്രങ്ങള് തങ്ങളുടെ പക്കലുണ്ടെന്ന് ഇറാാന് പാര്ലമെന്റ് സ്പീക്കര് മുഹമ്മദ് ബാഗര് ഖാലിബാഫ് തിരിച്ചടിച്ചു.
വെടിനിര്ത്തല് കാലാവധി അവസാനിക്കാന് മണിക്കൂറുകള് മാത്രം ബാക്കി നില്ക്കെ, രണ്ടാം ഘട്ട സമാധാന ചര്ച്ചകള്ക്കായി ഇരുരാജ്യങ്ങളുടെയും ഉന്നത പ്രതിനിധികള് പാകിസ്ഥാനിലെത്തും. യുഎസ് വൈസ് പ്രസിഡന്റ് ജെ.ഡി. വാന്സും ഇറാാന് സ്പീക്കര് മുഹമ്മദ് ബാഗര് ഖാലിബാഫും ബുധനാഴ്ച പുലര്ച്ചെ ഇസ്ലാമാബാദിലെത്തുമെന്നാണ് വിവരം. വെടിനിര്ത്തല് നീട്ടണമെന്ന് പാകിസ്ഥാന് വിദേശകാര്യ മന്ത്രി ഇഷാഖ് ദാര് ഇരുരാജ്യങ്ങളോടും അഭ്യര്ത്ഥിച്ചു.
വെടിനിര്ത്തല് അവസാനിക്കുന്ന സമയത്തെ ചൊല്ലി വിവിധ രാജ്യങ്ങള്ക്കിടയില് ആശയക്കുഴപ്പം നിലനില്ക്കുന്നുണ്ട്: ഏപ്രില് 8-ന് ആരംഭിച്ച വെടിനിര്ത്തല് ബുധനാഴ്ച പുലര്ച്ചെ 3:30-ന് (ഇറാന് സമയം) അവസാനിക്കുമെന്ന് ഇറാന് അറിയിച്ചു. ബുധനാഴ്ച വൈകുന്നേരം വരെ (വാഷിംഗ്ടണ് സമയം) കാലാവധിയുണ്ടെന്നാണ് ട്രംപിന്റെ വാദം. ചൊവ്വാഴ്ച ജിഎംടി 23:50-ന് വെടിനിര്ത്തല് അവസാനിക്കുമെന്ന് മധ്യസ്ഥരായ പാകിസ്ഥാന് വ്യക്തമാക്കി. കരാര് സംബന്ധിച്ച അനിശ്ചിതത്വം നിലനില്ക്കുന്ന സാഹചര്യത്തില് പാകിസ്ഥാന് നടത്തുന്ന മധ്യസ്ഥ ശ്രമങ്ങളെ ലോകരാജ്യങ്ങള് ഉറ്റുനോക്കുകയാണ്.
Related News
