തിരുവനന്തപുരം- മുന്‍ ഇടതു സര്‍ക്കാരിന്റെ കണ്ണിലെ കരടുകളായിരുന്ന ഡോ. ബി. അശോക്, എന്‍. പ്രശാന്ത് എന്നീ ഐ.എ.എസ് ഉദ്യോഗസ്ഥരെ സര്‍വീസില്‍ തിരിച്ചെടുത്തു. അച്ചടക്ക ലംഘനം ചൂണ്ടിക്കാട്ടിയാണ് ഇവരെ ഇടതുസര്‍ക്കാര്‍ സസ്‌പെന്റ് ചെയ്തിരുന്നത്.
ഒമ്പത് തവണ സസ്‌പെന്റ് ചെയ്യപ്പെട്ട ഉദ്യോഗസ്ഥനാണ് പ്രശാന്ത്. സീനിയര്‍ ഐ.എ.എസ് ഉദ്യോഗസ്ഥരുമായുള്ള ഉടക്കുകളായിരുന്നു കാരണം. അശോക് ആകട്ടെ, സര്‍ക്കാരിനെതിരെ പരസ്യമായി സംസാരിക്കുകയും എഴുതുകയും ചെയ്തതാണ് നടപടിക്ക് കാരണമായത്.
ഇരുവര്‍ക്കും പ്രധാനപ്പെട്ട വകുപ്പുകളില്‍ നിയമനം ലഭിക്കുമെന്നാണ് സൂചന.