ജിദ്ദ: കേരളത്തിന്റെ മുന് മുഖ്യമന്ത്രിയും മുതിര്ന്ന കമ്യൂണിസ്റ്റ് നേതാവുമായിരുന്ന വി.എസ്. അച്യുതാനന്ദന്റെ അനുസ്മരണ യോഗം ജിദ്ദ നവോദയയുടെ ആഭിമുഖ്യത്തില് നടന്നു. പ്രസിഡന്റ് കിസ്മത്ത് മമ്പാട് ഉദ്ഘാടനം ചെയ്തു. വി.എസിന്റെ ജനകീയ രാഷ്ട്രീയ പ്രവര്ത്തനങ്ങളും അഴിമതിക്കെതിരായ ഉറച്ച നിലപാടും സാധാരണ ജനങ്ങളുടെ അവകാശങ്ങള്ക്കായുള്ള പോരാട്ടങ്ങളും അദ്ദേഹം അനുസ്മരിച്ചു. കേരളത്തിന്റെ രാഷ്ട്രീയ-സാമൂഹിക ചരിത്രത്തില് മായാത്ത മുദ്ര പതിപ്പിച്ച നേതാവായിരുന്നു വി.എസ്. എന്നും അദ്ദേഹം പറഞ്ഞു.
ചടങ്ങില് ഷറഫിയ ഏരിയ രക്ഷാധികാരി മുജീബ് പൂന്താനം അനുസ്മരണ പ്രഭാഷണം നടത്തി. കേന്ദ്ര ട്രഷറര് സി.എം. അബ്ദുറഹ്മാന് അധ്യക്ഷത വഹിച്ച യോഗത്തില് കേന്ദ്ര കമ്മിറ്റി അംഗം ജിജോ അങ്കമാലി സ്വാഗതവും രക്ഷാധികാരി സമിതി അംഗം മൊയ്തീന് നന്ദിയും പറഞ്ഞു. ആക്ടിങ് രക്ഷാധികാരി ഷിഹാബുദ്ദീന് എണ്ണപാടം, ജനറല് സെക്രട്ടറി ശ്രീകുമാര് മാവേലിക്കര തുടങ്ങിയവര് യോഗത്തില് വി.എസിനെ അനുസ്മരിച്ച് സംസാരിച്ചു.
Related News
