ജിദ്ദ: ജിദ്ദയിലെ മര്വയിലുള്ള ലുലു ഹൈപ്പര്മാര്ക്കറ്റില് 'മലബാര് അടുക്കള' സംഘടിപ്പിച്ച ബിരിയാണി മത്സരം ജനശ്രദ്ധ നേടി. മലബാര് അടുക്കളയുടെ മുഖ്യ മോഡറേറ്ററും ജിദ്ദ കോര്ഡിനേറ്ററുമായ ഷെഫ് കുബ്ര ലത്തീഫിന്റെ നേതൃത്വത്തില് നടന്ന മത്സരത്തില് 16 പേര് പങ്കെടുത്തു. സൗദി വനിതകളും ഇന്ത്യന് പ്രവാസികളും തോളോട് തോള് ചേര്ന്ന് പങ്കെടുത്തത് പരിപാടിക്ക് ഐക്യത്തിന്റെ മനോഹരമായ ഭാവം നല്കി.
രുചി, സുഗന്ധം, അവതരണം എന്നീ മാനദണ്ഡങ്ങള് മുന്നിര്ത്തി ലുലു റീജിയണല് ഷെഫ് നിസാം, ഷെഫ് സജ്ന യൂനുസ്, ഷെഫ് മുബീന അന്വര് എന്നിവര് വിധിനിര്ണ്ണയം നടത്തി. ആവേശകരമായ മത്സരത്തില് സൗദ സലാം ഒന്നാം സ്ഥാനവും, ഷകീല മന്സൂര് രണ്ടാം സ്ഥാനവും, ഫാത്തിമത്തുല് ഹാനിയ മൂന്നാം സ്ഥാനവും കരസ്ഥമാക്കി.
ആയിഷ ശാമിസ്, ഷിറാസ് സയ്യിദ് എന്നിവരുടെ അവതരണം വേദിയെ സജീവമാക്കി. മത്സരത്തോടനുബന്ധിച്ച് നടന്ന സംഗീത പരിപാടികളും കുട്ടികളുടെ നൃത്തങ്ങളും ആഘോഷത്തിന് കൂടുതല് നിറം പകര്ന്നു. പ്രമുഖ മാധ്യമപ്രവര്ത്തക സമീറ അസീസ് മുഖ്യാതിഥിയായിരുന്നു. ലുലു ഹൈപ്പര്മാര്ക്കറ്റ് മറുവ ജനറല് മാനേജര് ജവാദ്, മാനേജര് ബഷീര് എന്നിവര് സന്നിഹിതരായിരുന്നു.
പരിപാടിയുടെ വിജയത്തിനായി എക്സിക്യൂട്ടീവ് അംഗങ്ങളായ ഷംസീറ, സാഹിറ സവാദ്, ആശിക രംനാസ്, ഹസീന അഫ്സല്, സബ്രീന, സുനീറ, സുറുമി, ലത്തീഫ് മൊഗ്രാല്, ബാദ്ഷ, യൂസുഫ് കോട്ട, ആഷിഫ് (A7 മീഡിയ) എന്നിവര് നേതൃത്വം നല്കി. ജിദ്ദയിലെ പ്രവാസി സമൂഹത്തിനിടയില് ഐക്യവും സൗഹൃദവും വളര്ത്താന് ഈ ബിരിയാണി മേളയ്ക്ക് സാധിച്ചു.
.jpg)
Related News
