സിംഗപ്പൂര്‍: ഡ്രോണ്‍ ആക്രമണത്തെത്തുടര്‍ന്ന് പ്രവര്‍ത്തനം നിര്‍ത്തിവെച്ചിരുന്ന സൗദി അറേബ്യയിലെ അരാംകോയുടെ ഈസ്റ്റ്-വെസ്റ്റ് പൈപ്പ്ലൈന്റെ പ്രവര്‍ത്തനം പുനരാരംഭിക്കുന്നു. ചെങ്കടല്‍ തീരത്തുള്ള യാന്‍ബു തുറമുഖത്തുനിന്നുള്ള എണ്ണക്കയറ്റുമതി ചൊവ്വാഴ്ചയോടെ പുനരാരംഭിക്കാന്‍ സാധ്യതയുണ്ടെന്ന് റിപ്പോര്‍ട്ടുകള്‍ സൂചിപ്പിക്കുന്നു. പൈപ്പ്ലൈന്‍ വഴി കുറഞ്ഞ അളവില്‍ എണ്ണ പമ്പ് ചെയ്തു തുടങ്ങിയതായി പറയുന്നു. സംഭവത്തെക്കുറിച്ച് ഔദ്യോഗിക പ്രതികരിക്കാന്‍ സ്റ്റേറ്റ് എനര്‍ജി സ്ഥാപനമായ സൗദി അരാംകോ തയ്യാറായിട്ടില്ല.

ഡ്രോണ്‍ ആക്രമണത്തെത്തുടര്‍ന്ന് കഴിഞ്ഞ സെപ്റ്റംബര്‍ 13-നാണ് സൗദി അറേബ്യ ഈസ്റ്റ്-വെസ്റ്റ് പൈപ്പ്ലൈന്‍ അടച്ചുപൂട്ടിയത്. ഇത് യാന്‍ബു തുറമുഖം വഴിയുള്ള ക്രൂഡ് ഓയില്‍ കയറ്റുമതി പൂര്‍ണ്ണമായി തടസ്സപ്പെടാന്‍ കാരണമായിരുന്നു.