ഹഖ്ല്‍: അഖബ ഉള്‍ക്കടലില്‍ ബുധനാഴ്ച ഉച്ചയ്ക്ക് ശക്തമായ ഭൂചലനം അനുഭവപ്പെട്ടതായി സൗദി ജിയോളജിക്കല്‍ സര്‍വേ അറിയിച്ചു. തബൂക്ക് പ്രവിശ്യയിലെ ഹഖ്ല്‍ ഗവര്‍ണറേറ്റിന് വടക്കുപടിഞ്ഞാറന്‍ ഭാഗത്താണ് ഭൂചലനത്തിന്റെ പ്രഭവകേന്ദ്രം രേഖപ്പെടുത്തിയത്.
സൗദി ജിയോളജിക്കല്‍ സര്‍വേയുടെ നാഷണല്‍ സീസ്മിക് മോണിറ്ററിംഗ് നെറ്റ്വര്‍ക്കിലെ സ്റ്റേഷനുകള്‍ ഉച്ചയ്ക്ക് 12:24:52-നാണ് ഭൂചലനം ഔദ്യോഗികമായി രേഖപ്പെടുത്തിയത്. റിക്ടര്‍ സ്‌കെയിലില്‍ 4.42 തീവ്രത രേഖപ്പെടുത്തിയ ഭൂചലനത്തില്‍ കൂടുതല്‍ വിവരങ്ങള്‍ ലഭ്യമായിട്ടില്ല.