മക്ക- വ്യാജ ഹജ് രേഖകള് നിര്മ്മിച്ചതുമായി ബന്ധപ്പെട്ട് അഫ്ഗാന്, പാകിസ്ഥാന് സ്വദേശികളായ 18 പേരെ പോലീസ് അറസ്റ്റ് ചെയ്തു. താമസാനുമതി രേഖകള് (ഇഖാമ), ഹജ് കാര്ഡുകള്, കൈയ്യില് ധരിക്കുന്ന ബ്രേസ്ലെറ്റുകള് എന്നിവ വ്യാജമായി നിര്മ്മിച്ചതിനാണ് ഇവരെ പിടികൂടിയത്. ഹജ് സീസണുമായി ബന്ധപ്പെട്ട് നടന്നുവരുന്ന ക്രിമിനല് പരിശോധനകളുടെ ഭാഗമായാണ് ഈ നടപടി.
പിടിക്കപ്പെട്ടവര്ക്കെതിരെ ആവശ്യമായ നിയമനടപടികള് സ്വീകരിച്ചതായും ഇവരെ തുടര്നടപടികള്ക്കായി പബ്ലിക് പ്രോസിക്യൂഷന് കൈമാറിയതായും പബ്ലിക് സെക്യൂരിറ്റി വിഭാഗം വ്യക്തമാക്കി. ഹജ് നിയമങ്ങള് ലംഘിക്കുന്നവര്ക്കെതിരെ കര്ശന നടപടി സ്വീകരിക്കുമെന്നും അധികൃതര് മുന്നറിയിപ്പ് നല്കി.
ഹജ് ചട്ടങ്ങളും നിര്ദ്ദേശങ്ങളും കര്ശനമായി പാലിക്കണമെന്ന് പൊതുസുരക്ഷാ വിഭാഗം അഭ്യര്ത്ഥിച്ചു. നിയമലംഘനങ്ങള് ശ്രദ്ധയില്പ്പെട്ടാല് മക്ക, മദീന, റിയാദ്, കിഴക്കന് പ്രവിശ്യ എന്നിവിടങ്ങളിലുള്ളവര് 911 എന്ന നമ്പറിലും, രാജ്യത്തെ മറ്റ് ഭാഗങ്ങളിലുള്ളവര് 999 എന്ന നമ്പറിലും വിളിച്ച് വിവരം അറിയിക്കണമെന്നും അധികൃതര് നിര്ദ്ദേശിച്ചു.
.jpg)
Related News
