ദമ്മാം: സി.ബി.എസ്.ഇ പത്താം ക്ലാസ് പരീക്ഷയില് ഉന്നത വിജയം നേടിയ വിദ്യാര്ത്ഥികളെ പ്രവാസി വെല്ഫെയര് ദമ്മാം എറണാകുളം - തൃശൂര് ജില്ലാ കമ്മിറ്റി അനുമോദിച്ചു.
ദമ്മാമിലെ വിവിധ ഇന്റര്നാഷണല് സ്കൂളുകളില് നിന്നും ഉന്നത വിജയം കരസ്ഥമാക്കിയ എറണാകുളം, തൃശൂര് ജില്ലക്കാരായ യാഇറ ഫൈസല്, സുഹ ഹനാന്, ഫര്സാന ഫാത്തിമ എന്നിവരെയാണ് ചടങ്ങില് ആദരിച്ചത്. ജില്ലാ വൈസ് പ്രസിഡന്റ് ഷരീഫ് കൊച്ചി, ജനറല് സെക്രട്ടറി റയാന് റസല്, റീജിയണല് കമ്മിറ്റി അംഗം അനീസ മെഹബൂബ് എന്നിവര് ചേര്ന്ന് വിജയികള്ക്ക് മെമന്റോ നല്കി.
ഈസ്റ്റേണ് പ്രൊവിന്സിലെ സി.ബി.എസ്.ഇ സ്കൂളുകളില് നിന്നും വിജയിച്ച മുഴുവന് വിദ്യാര്ത്ഥികളെയും ജില്ലാ കമ്മിറ്റി അഭിനന്ദിച്ചു.
