ജിദ്ദ: നിയമസഭാ തെരഞ്ഞെടുപ്പിലെ യുഡിഎഫിന്റെ ഉജ്ജ്വല വിജയത്തിൽ ആഹ്ളാദം പങ്കിട്ടു ഒഐസിസി വെസ്റ്റേൺ റീജ്യണൽ കമ്മിറ്റി ജിദ്ദയിൽ സമുചിതമായി വിജയാഘോഷം സംഘടിപ്പിച്ചു. നൂറുകണക്കിന് പ്രവർത്തകർ പങ്കെടുത്ത ആഘോഷ പരിപാടി രാഷ്ട്രീയഗാനങ്ങൾ പാടിയും മധുരം പങ്കിട്ടും മുദ്രാവാക്യം വിളിച്ചും നൃത്തം ചെയ്തും പ്രവർത്തകർ ആഘോഷത്തിമർപ്പിലായി.
പ്രമുഖ ഗായകർ അണിനിരന്ന സംഗീതവിരുന്നു വിജയാഘോഷത്തിൻറെ മാറ്റ്കൂട്ടി. മിർസ ഷെരീഫ്, സോഫിയ സുനിൽ, വിജേഷ് ചന്ദ്രു, സുജു തേവരുപ്പറമ്പിൽ, സിമി അബ്ദുൽ ഖാദർ, വിവേക്, റഹീം കാക്കൂർ, ബഷീർ പെരുവള്ളൂർ എന്നിവർ ഗാനമാലപിച്ചു.
വിജയാഘോഷ പരിപാടിയുടെ ഔദ്യോഗിക ചടങ്ങിൽ ഒഐസിസി വെസ്റ്റേൺ റീജ്യണൽ കമ്മിറ്റി പ്രസിഡണ്ട് ഹക്കീം പാറക്കൽ അദ്ധ്യക്ഷം വഹിച്ചു. മുതിർന്ന ഒഐസിസി നേതാവ് ചെമ്പൻ അബ്ബാസ് ഹാജി ഉദ്ഘാടനം ചെയ്തു. ഇഖ്ബാൽ പൊക്കുന്ന് മുഖ്യപ്രഭാഷണം നടത്തി. ഒഐസിസി നേതാക്കളായ രാധാകൃഷ്ണൻ കാവുംബായ്, റഷീദ് ബിൻസാഗർ, അഷ്റഫ് അഞ്ചാലൻ, അനിൽകുമാർ പത്തനംതിട്ട, അലി തേക്കുതോട്, മനോജ് മാത്യു, മോഹൻ ബാലൻ, കെഎംസിസി നേതാക്കളായ നാസർ വെളിയംകോട്, ഇസ്മായിൽ മുണ്ടക്കുളം, ആർഎംപി പ്രവാസി ഘടകം നേതാവ് സഹീർ, ഒഐസിസി വനിതാവിഭാഗം നേതാക്കളായ മൗഷ്മി ഷെറീഫ്, സിമി അബ്ദുൽ ഖാദർ, വിവിധ ജില്ലാ/ഏരിയ നേതാക്കൾ എന്നിവർ സംസാരിച്ചു.
