മക്ക- വിശുദ്ധ നഗരമായ മക്കയിലും അനുബന്ധ പുണ്യസ്ഥലങ്ങളിലും മദീനയിലും ചൂട് കഠിനമായി തുടരുന്നു. ഞായറാഴ്ചത്തെ കണക്കുകള് പ്രകാരം ഹജ്ജ് പുണ്യസ്ഥലങ്ങളില് ഉള്പ്പെടുന്ന അറഫയിലാണ് ഏറ്റവും ഉയര്ന്ന താപനില രേഖപ്പെടുത്തിയത്; 45 ഡിഗ്രി സെല്ഷ്യസ്. മക്കയിലും തീര്ത്ഥാടകര് തമ്പടിക്കുന്ന മിനായിലും 44 ഡിഗ്രി സെല്ഷ്യസ് ചൂട് രേഖപ്പെടുത്തിയപ്പോള്, പ്രവാചക നഗരിയായ മദീനയില് താപനില 42 ഡിഗ്രി സെല്ഷ്യസായി ഉയര്ന്നു. തീര്ത്ഥാടകര് ഒത്തുചൂടുന്ന ഈ ആത്മീയ ഭൂമിയില് കടുത്ത ചൂടാണ് അനുഭവപ്പെടുന്നത്. രാജ്യത്തെ മറ്റ് ചില പ്രവിശ്യകളിലും സമാനമായ രീതിയില് താപനില വര്ദ്ധിക്കുന്നതായി സൗദി ദേശീയ കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കിയിട്ടുണ്ട്. തലസ്ഥാനമായ റിയാദ്, ഖൈസുമ, ദമ്മാം, യാന്ബു, ബുറൈദ തുടങ്ങിയ പ്രദേശങ്ങളിലാണ് ചൂട് ക്രമാതീതമായി ഉയരുന്നത്. വരും ദിവസങ്ങളിലും ഈ മേഖലകളില് കടുത്ത ചൂട് തുടരുമെന്നതിനാല് ആവശ്യമായ മുന്കരുതലുകള് സ്വീകരിക്കാന് അധികൃതര് നിര്ദ്ദേശം നല്കിയിട്ടുണ്ട്.
Related News
