ദമ്മാം: ദേശീയ ചലച്ചിത്ര പുരസ്‌കാര ജേതാവും മലയാള സിനിമയിലെ അതുല്യ കലാപ്രതിഭയുമായ സലിം കുമാറിന്റെ നിര്യാണത്തില്‍ ജാം ക്രിയേഷന്‍സ് ദമ്മാം അനുശോചിച്ചു. മിമിക്രി വേദികളില്‍ നിന്ന് മലയാള സിനിമയിലേക്ക് കടന്നുവന്ന് ഹാസ്യ കഥാപാത്രങ്ങളിലൂടെയും ഗൗരവമേറിയ വേഷങ്ങളിലൂടെയും പ്രേക്ഷകഹൃദയങ്ങളില്‍ ഇടം നേടിയ അപൂര്‍വ പ്രതിഭയായിരുന്നു സലിം കുമാര്‍. ചിരിപ്പിക്കുകയും ചിന്തിപ്പിക്കുകയും കരയിപ്പിക്കുകയും ചെയ്ത അദ്ദേഹത്തിന്റെ കഥാപാത്രങ്ങള്‍ മലയാള സിനിമയുടെ ചരിത്രത്തില്‍ എന്നും ഓര്‍മിക്കപ്പെടുമെന്ന് ജാം ക്രിയേഷന്‍സ് പ്രസ്താവനയില്‍ പറഞ്ഞു.

'ആദമിന്റെ മകന്‍ അബു ' എന്ന ചിത്രത്തിലെ അഭിനയത്തിന് മികച്ച നടനുള്ള ദേശീയ ചലച്ചിത്ര പുരസ്‌കാരവും സംസ്ഥാന ചലച്ചിത്ര പുരസ്‌കാരവും നേടിയ അദ്ദേഹം,;'അച്ഛനുറങ്ങാത്ത വീട് ' 'കറുത്ത ജൂതന്‍ 'തുടങ്ങി നിരവധി ചിത്രങ്ങളിലെ ശ്രദ്ധേയ പ്രകടനങ്ങളിലൂടെയും,രചയിതാവും , സംവിധായകനായും മലയാള സിനിമയ്ക്ക് വിലമതിക്കാനാവാത്ത സംഭാവനകള്‍ നല്‍കി. അഭിനേതാവ് എന്ന നിലയില്‍ മാത്രമല്ല, സാമൂഹിക വിഷയങ്ങളില്‍ വ്യക്തമായ നിലപാടുകള്‍ സ്വീകരിച്ച പൊതുപ്രവര്‍ത്തകന്‍ കൂടിയായിരുന്നു അദ്ദേഹം. വിഷരഹിത കൃഷിയെ പ്രോത്സാഹിപ്പിക്കുന്നതിലും , സ്വന്തം വീട് പ്രളയ ബാധിതര്‍ക്കായി തുറന്നിട്ട് പ്രളയ കാലങ്ങളില്‍ മനുഷ്യസ്‌നേഹപരമായ ഇടപെടലുകള്‍ നടത്തുന്നതിലും സലിം കുമാര്‍ മാതൃക കാട്ടിയതായി ജാം ക്രിയേഷന്‍സ് അനുസ്മരിച്ചു.
സലിം കുമാറിന്റെ വിയോഗം മലയാള സിനിമയ്ക്കും സാംസ്‌കാരിക കേരളത്തിനും നികത്താനാകാത്ത നഷ്ടമാണെന്നും അദ്ദേഹത്തിന്റെ കുടുംബാംഗങ്ങളുടെയും സുഹൃത്തുക്കളുടെയും ദുഃഖത്തില്‍ പങ്കുചേരുന്നതായും ജാം ക്രിയേഷന്‍സ് അറിയിച്ചു.