വാഷിങ്ടന്: അമേരിക്കന് മണ്ണില് ജനിക്കുന്ന കുട്ടികള്ക്ക് പൗരത്വം നല്കുന്ന ജന്മാവകാശ നിയമത്തില് മാറ്റം വരുത്താനുള്ള പ്രസിഡന്റ് ഡോണള്ഡ് ട്രംപിന്റെ നീക്കത്തിന് സുപ്രീം കോടതിയുടെ തിരിച്ചടി. ട്രംപിന്റെ എക്സിക്യൂട്ടീവ് ഉത്തരവ് ഭരണഘടനാ വിരുദ്ധമാണെന്ന് ചൂണ്ടിക്കാട്ടി 6-3 എന്ന ഭൂരിപക്ഷത്തിലാണ് കോടതി വിധി പ്രസ്താവിച്ചത്.
രേഖകളില്ലാത്ത കുടിയേറ്റക്കാരുടെ മക്കള്ക്ക് പൗരത്വം നിഷേധിക്കാനായിരുന്നു ട്രംപിന്റെ തീരുമാനം. എന്നാല്, യുഎസ് ഭരണഘടനയുടെ 14-ാം ഭേദഗതി പ്രകാരം അമേരിക്കയില് ജനിക്കുന്ന എല്ലാവര്ക്കും പൗരത്വത്തിന് അര്ഹതയുണ്ടെന്ന് ചീഫ് ജസ്റ്റിസ് ജോണ് റോബര്ട്ട്സ് അധ്യക്ഷനായ ബെഞ്ച് വ്യക്തമാക്കി. ജഡ്ജിമാരായ ക്ലാരന്സ് തോമസ്, നീല് ഗോര്സുച്ച്, സാമുവല് അലിറ്റോ എന്നിവര് വിയോജിപ്പ് രേഖപ്പെടുത്തി.
2025 ജനുവരിയില് ട്രംപ് പുറപ്പെടുവിച്ച ഉത്തരവിനെതിരെ വലിയ പ്രതിഷേധങ്ങള് ഉയര്ന്നിരുന്നു. സുപ്രീം കോടതിയിലെ വാദത്തിനിടെ നേരിട്ട് ഹാജരായ ആദ്യ അമേരിക്കന് പ്രസിഡന്റ് എന്ന ചരിത്രവും ഈ കേസിനൊപ്പമുണ്ട്.
Related News
