റിയാദ്: സൗദി അറേബ്യയില്‍ വന്‍ വിലക്കിഴിവുമായി ലുലു മിഡ്നൈറ്റ് സെയില്‍ വീണ്ടുമെത്തുന്നു. മുന്‍വര്‍ഷങ്ങളേക്കാള്‍ ആകര്‍ഷകമായ ഡീലുകളോടെ, എല്ലാ ഷോപ്പിംഗ് വിഭാഗങ്ങളിലും വന്‍ ഓഫറുകളാണ് ലുലു ഒരുക്കിയിരിക്കുന്നത്. ജൂലൈ 2, 3 തീയതികളില്‍ രാത്രി 8:00 മുതല്‍ പുലര്‍ച്ചെ 2:00 വരെയാണ് ഉപഭോക്താക്കള്‍ക്ക് ഈ സുവര്‍ണ്ണാവസരം പ്രയോജനപ്പെടുത്താനാവുക.

സൗദിയിലെ മുഴുവന്‍ ലുലു ഹൈപ്പര്‍മാര്‍ക്കറ്റുകളിലും തുടര്‍ച്ചയായ രണ്ട് രാത്രികളില്‍ ഉല്‍പ്പന്നങ്ങള്‍ക്ക് 70% വരെ വിലക്കിഴിവ് ലഭിക്കും. ഫ്രഷ് ഫുഡ്, പലചരക്ക് സാധനങ്ങള്‍, ഗൃഹോപകരണങ്ങള്‍, ഇലക്ട്രോണിക്‌സ്, ഫാഷന്‍ വസ്ത്രങ്ങള്‍, അടുക്കള സാമഗ്രികള്‍, സ്മാര്‍ട്ട് ഫോണുകള്‍, ഗാഡ്ജെറ്റുകള്‍, ടിവികള്‍, ലാപ്‌ടോപ്പുകള്‍, ഫുട്വെയര്‍, ലേഡീസ് ഹാന്‍ഡ് ബാഗുകള്‍, കുട്ടികള്‍ക്കുള്ള ഉല്‍പ്പന്നങ്ങള്‍ തുടങ്ങി കുടുംബത്തിന് ആവശ്യമായ എല്ലാം ഒരേ കുടക്കീഴില്‍ ഏറ്റവും കുറഞ്ഞ വിലയില്‍ ഈ ദിവസങ്ങളില്‍ സ്വന്തമാക്കാം.

വിലക്കിഴിവിന് പുറമെ, നിരവധി സര്‍പ്രൈസ് ഓഫറുകളും ഡീലുകളും ഈ രണ്ട് രാത്രികളില്‍ ഉപഭോക്താക്കളെ കാത്തിരിക്കുന്നുണ്ട്. സ്റ്റോക്ക് തീരുന്നത് വരെ മാത്രമാണ് ഈ പ്രത്യേക ഓഫറുകള്‍ ലഭ്യമാകുക. കുടുംബത്തോടൊപ്പം സൗകര്യപ്രദമായി ഷോപ്പിംഗ് നടത്താനുള്ള എല്ലാ ക്രമീകരണങ്ങളും ലുലു ഹൈപ്പര്‍മാര്‍ക്കറ്റുകള്‍ ഒരുക്കിയിട്ടുണ്ട്.

ഉപഭോക്താക്കളുടെ വിശ്വാസത്തിന് നന്ദി സൂചകമായാണ് ഈ വര്‍ഷത്തെ ഏറ്റവും വലിയ വിലക്കിഴിവ് മിഡ്നൈറ്റ് സെയിലിലൂടെ ഒരുക്കുന്നതെന്ന് ലുലു ഹൈപ്പര്‍മാര്‍ക്കറ്റ്‌സ് ഡയറക്ടര്‍ മുഹമ്മദ് ഹാരിസ് പറഞ്ഞു. എല്ലാ കാറ്റഗറികളിലും 70% വരെ വിലക്കിഴിവൊരുക്കി, സൗദിയിലെ ഓരോ കുടുംബത്തിനും അവിസ്മരണീയമായ ഷോപ്പിംഗ് അനുഭവം നല്‍കാനാണ് ലുലു ലക്ഷ്യമിടുന്നതെന്നും അദ്ദേഹം വ്യക്തമാക്കി.

പലിശരഹിത ഇന്‍സ്റ്റാള്‍മെന്റ് സൗകര്യം
ഷോപ്പിംഗ് കൂടുതല്‍ സുഗമമാക്കാന്‍ റിയാദ് ബാങ്ക്, അറബ് നാഷണല്‍ ബാങ്ക്, എസ്.എന്‍.ബി (SNB), സാബ് (SAB), എമിറേറ്റ്‌സ് എന്‍.ബി.ഡി, അല്‍ രാജ്ഹി ബാങ്ക് എന്നിവ വഴി 0% ഇന്‍സ്റ്റാള്‍മെന്റ് പ്ലാനുകള്‍ ലഭ്യമാക്കിയിട്ടുണ്ട്. കൂടാതെ, പ്രമുഖ ബാങ്കുകളുടെ ക്രെഡിറ്റ് കാര്‍ഡ് പ്രൊമോഷനുകളും കാഷ്ബാക്ക് ഓഫറുകളും ലഭ്യമാണ്. ടാബി (Tabby), തമാര (Tamara) എന്നിവയിലൂടെ 'ഷോപ്പ് നൗ, പേ ലേറ്റര്‍' സേവനങ്ങള്‍ ഉപയോഗിച്ച് ഉപഭോക്താക്കള്‍ക്ക് ലളിതമായി തുക അടയ്ക്കാനുള്ള സൗകര്യവുമുണ്ട്.