ദോഹ: മംഗളം എക്‌സിക്യൂട്ടീവ് എഡിറ്റര്‍ ഇ.പി. ഷാജുദ്ദീന്‍ (കോട്ടയം പ്രസ് ക്ലബ് അംഗം), മാധ്യമം മുന്‍ ചീഫ് സബ് എഡിറ്റര്‍ ഇ.പി. ഷെഫീഖ് (കോഴിക്കോട് പ്രസ് ക്ലബ് അംഗം) എന്നിവരുടെ സഹോദരന്‍ കോട്ടയം കൂട്ടിക്കല്‍ ഇടത്തുംകുന്നേല്‍ ഇ.പി. ഷെമീര്‍ (ഷാമോന്‍ -51) ഖത്തറില്‍ ഹൃദയാഘാതം മൂലം നിര്യാതനായി. കൂട്ടിക്കല്‍ ടൗണിലെ ആദ്യകാല വസ്ത്ര വ്യാപാരസ്ഥാപന ഉടമ ഇടത്തുംകുന്നേല്‍ പരേതരായ എ.എ. പരീക്കുട്ടിയുടെയും കെ.കെ. ജമീലയുടെയും മകനാണ്. ചൊവ്വാഴ്ച രാവിലെ ദോഹയിലെ താമസ സ്ഥലത്ത് കുഴഞ്ഞു വീഴുകയായിരുന്നു. സുഹൃത്തുക്കള്‍ ഉടനെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. മൃതദേഹം നാട്ടിലെത്തിക്കാനുള്ള നടപടി പുരോഗമിക്കുന്നു. ഖബറടക്കം പിന്നീട്. മക്കള്‍: മിസ്ബ, മിന്‍ഹ, മാസിന്‍.