വാഷിങ്ടന്: ടേക്കോഫിനിടെ അമേരിക്കന് എയര്ലൈന്സ് വിമാനത്തില് തീയും പുകയും. സംഭവം റണ്വേയില്വച്ചുതന്നെയായതിനാല് യാത്രക്കാരെ നിരക്കിയിറക്കി രക്ഷപ്പെടുത്തി. ടേക്ക് ഓഫ് റദ്ദാക്കിയാണ് ലക്ഷപ്പെടുത്തലുണ്ടായത്. ലാന്ഡിങ് ഗിയറിനുണ്ടായ തകരാറാണ് തീയും പുകയും ഉയരാന് കാരണം. ഡെന്വര് വിമാനത്താവളത്തിലാണ് സംഭവം. വിമാനത്തിലുണ്ടായിരുന്ന 173 യാത്രക്കാരെയും സുരക്ഷിതമായി പുറത്തിറക്കി. ഒരാള്ക്ക് നിസ്സാര പരുക്കേറ്റു.
ബോയിങിന്റെ 737 മാക്സ് 8 വിമാനം മയാമിയിലേക്കു യാത്ര പുറപ്പെട്ട ഉടനെയായിരുന്നു സംഭവം. പരിഭ്രാന്തരായ യാത്രക്കാര് വിമാനത്തില്നിന്ന് താഴേക്ക് ഇറങ്ങുന്നതും ലാന്ഡിങ് ഗിയറില് തീ കത്തുന്നതും സമൂഹമാധ്യമങ്ങളില് പ്രചരിച്ച വിഡിയോകളില് കാണാം. പ്രദേശമാകെ പുക നിറഞ്ഞു.
വിമാനത്താവളത്തില്നിന്ന് പുറപ്പെടുന്നതിനിടെ ലാന്ഡിങ് ഗിയറിന് തകരാര് സംഭവിച്ചതായി ഫെഡറല് ഏവിയേഷന് അഡ്മിനിസ്ട്രേഷന് (എഫ്എഎ) അറിയിച്ചു. യാത്രക്കാരെ റണ്വേയില് ഇറക്കിയ ശേഷം ബസുകളില് ടെര്മിനലിലേക്ക് കൊണ്ടുപോയി. തീപിടിത്തത്തില് കൂടുതല് അന്വേഷണം നടന്നു വരികയാണെന്ന് എഫ്എഎ വെളിപ്പെടുത്തു.
.jpg)
Related News
