മസ്കത്ത്: സിവില് ഡിഫന്സ് മേഖലയില് സഹകരണം ശക്തിപ്പെടുത്തുന്നതിനും വൈദഗ്ധ്യം കൈമാറുന്നതിനുമായി ഒമാനും സൗദി അറേബ്യയും തമ്മില് ധാരണ. സിവില് ഡിഫന്സ് ആന്ഡ് ആംബുലന്സ് അതോറിറ്റി ചെയര്മാന് മേജര് ജനറല് സുലൈമാന് അലി അല് ഹുസൈനിയുടെ നേതൃത്വത്തിലുള്ള ഒമാനി സംഘം സൗദി അറേബ്യയിലെ ജനറല് ഡയറക്ടറേറ്റ് ഓഫ് സിവില് ഡിഫന്സ് സന്ദര്ശിച്ചാണ് ചര്ച്ചകള് നടത്തിയത്. ഇരു രാജ്യങ്ങളും തമ്മിലുള്ള ഉഭയകക്ഷി ബന്ധം മെച്ചപ്പെടുത്തുന്നതിന്റെ ഭാഗമായായിരുന്നു സന്ദര്ശനം. സൗദി അറേബ്യയിലെ ജനറല് ഡയറക്ടര് ഓഫ് സിവില് ഡിഫന്സ് മേജര് ജനറല് ഡോ. ഹമൂദ് സുലൈമാന് അല് ഫറാജ് ഒമാനി സംഘത്തെ സ്വീകരിച്ചു.
സിവില് ഡിഫന്സ് രംഗത്തെ പൊതുതാല്പ്പര്യ വിഷയങ്ങള് ചര്ച്ച ചെയ്യുകയും പരസ്പരം അനുഭവസമ്പത്ത് പങ്കുവെക്കുകയും ചെയ്യുക എന്നതായിരുന്നു സന്ദര്ശനത്തിന്റെ പ്രധാന ലക്ഷ്യങ്ങള്. സൗദി സിവില് ഡിഫന്സ് ഇന്സ്റ്റിറ്റ്യൂട്ടില് ഒമാന് സംഘം ഫീല്ഡ് സന്ദര്ശനം നടത്തി. വിവിധ തലങ്ങളിലുള്ള സിവില് ഡിഫന്സ് ഉദ്യോഗസ്ഥര്ക്കായി നടത്തുന്ന പ്രത്യേക പരിശീലന പരിപാടികളെക്കുറിച്ച് സംഘം ചോദിച്ചറിഞ്ഞു. അപകടസാധ്യതകള് തടയുന്നതിനും അടിയന്തര സാഹചര്യങ്ങളില് പ്രതികരിക്കുന്നതിനും ഇന്സ്റ്റിറ്റ്യൂട്ട് ഉപയോഗിക്കുന്ന സാങ്കേതിക വിദ്യകളും ഉപകരണങ്ങളും സംവിധാനങ്ങളും സംഘം വിലയിരുത്തി.
.jpg)
Related News
