റിയാദ്: റിയാദിലെ പ്രിന്‍സ് സുല്‍ത്താന്‍ ബിന്‍ അബ്ദുല്‍ അസീസ് ഹ്യുമാനിറ്റേറിയന്‍ സിറ്റിയിലെ മലയാളി ജീവനക്കാരുടെ കൂട്ടായ്മയുടെ ആഭിമുഖ്യത്തില്‍ നടത്തിയ 'സുല്‍ത്തനോണം' ജനപങ്കാളിത്തം കൊണ്ട് ശ്രദ്ധേയമായി. ആശുപത്രി ഓഡിറ്റോറിയത്തില്‍ നടന്ന ഓണാഘോഷ പരിപാടിയില്‍ മലയാളികളെ കൂടാതെ അയല്‍ സംസ്ഥാനങ്ങളില്‍ നിന്നുള്ള ജീവനക്കാരുകൂടി പങ്കെടുത്തു. ആശുപത്രിയിലെ വിവിധ ഡിപ്പാര്‍ട്‌മെന്റുകളിലെ മലയാളി ജീവനക്കാരുടെയും കുടുംബങ്ങളുടെയും
വിവിധ കലാകായിക മത്സരങ്ങളും ആഘോഷങ്ങളുടെ ഭാഗമായി അരങ്ങേറി.

ആഘോഷപരിപാടിയുടെ ഉദ്ഘാടനം മുതിര്‍ന്ന അംഗം സാജന്‍ ചാണ്ടി നിര്‍വഹിച്ചു. മുഖ്യരക്ഷാധികാരി സാജിദ് ഒതായി, പോഗ്രാം കോര്‍ഡിനേറ്റര്‍ ഹാഷിം, നിസാം, ഫാസില്‍, ദിലീപ്, ഷിബിന്‍, ശ്യാമിലി, സുമിത, അനിത എന്നിവര്‍ ആശംസകളര്‍പ്പിച്ച് സംസാരിച്ചു. നഴ്‌സുമാരായ അഞ്ചന, ചൈതന്യ, നിഷ, ജോസ്മി, മെല്‍ബി, അഞ്ജലി, അഞ്ചു, ഹര്‍ഷ, വരുണ്‍, ഇമ്മാനുവല്‍, സൗമ്യ, ബബിത എന്നിവര്‍ കലാകായിക പരിപാടികള്‍ക്ക് നേതൃത്വം നല്‍കി.