റിയാദ് : 95 ാമത് സൗദി ദേശീയ ദിനം വര്‍ണാഭമായി മെക് 7 ആഘോഷിച്ചു. അതിരാവിലെ അഞ്ചരയോടെ മലസ് കിങ് അബ്ദുള്ള പാര്‍ക്കില്‍ നൂറുകണക്കിന് ആളുകളുടെ മെക് സെവന്‍ എക്‌സര്‍സൈസിന് MEC7 റിയാദ് ചീഫ് കോര്‍ഡിനേറ്റര്‍ സ്റ്റാന്‍ലി ജോസ് നേതൃത്വം നല്‍കി. അതിനുശേഷം വര്‍ണാഭമായ ഘോഷ യാത്രയില്‍ സ്ത്രീകള്‍, കുട്ടികള്‍, മുതിര്‍ന്നവര്‍, ചെറുപ്പക്കാര്‍ കൊടി, തോരണങ്ങള്‍, ബലുണുകളുമായി ബാനറിന് പിറകില്‍ അണി ചേര്‍ന്നു. വഴിയിലുടനീളം യാത്രക്കാര്‍ ഘോഷയാത്ര ആസ്വദിക്കുകയും, അവരുടെ മൊബൈലില്‍ ഘോഷ യാത്ര പകര്‍ത്തു കയും ചെയ്തു.

ദേശീയ ദിനാഘോഷ ചടങ്ങിന് കോര്‍ഡിനേറ്റര്‍ അഖിനാസ് കരുനാഗപ്പള്ളി സ്വാഗതം പറഞ്ഞു. ദേശീയ ദിന സന്ദേശം നാസര്‍ ലെയ്‌സ് നല്‍കി. ഇസ്മായില്‍ നീറാട്, പി ടി എ ഖാദര്‍, സ്റ്റാന്‍ലി ജോസ്, ഇസ്മായില്‍ കണ്ണൂര്‍ ആശംസകള്‍ നേര്‍ന്നു. ആഷിക്, മാഷ്ഫര്‍, അഫ്‌സര്‍, റസാഖ് കൊടുവള്ളി, ഹമീദ്, ബഷീര്‍, കോയ മൂവാറ്റുപുഴ, ജബ്ബാര്‍, ഷറഫു, പരിപാടി നിയന്ത്രിച്ചു. സഈദ് വീഡിയോ ഗ്രാഫി നിര്‍വഹിച്ചു. ഘോഷ യാത്ര സമദ് താമരശ്ശേരി ഫ്‌ലാഗ് ഓഫ് ചെയ്തു. അമിതാഭ് സക്‌സേന മൂന്ന് ഭാഷയില്‍ mec7 കവിത ചൊല്ലിയും, സലാം കോട്ടയവും കുട്ടികളും ചേര്‍ന്ന് കേക്ക് മുറിച്ചു മധുരം വിതരണം ചെയ്തും പരിപാടിക്കു പകിട്ടു പകര്‍ന്നു. സിദ്ദിഖ് കല്ലുപറമ്പ് നന്ദി പറഞ്ഞു.