ജിദ്ദ: കേരളം ഇന്ന് വരെ ദര്ശിച്ചിട്ടില്ലാത്ത വിധം സര്ക്കാര് സ്പോണ്സര്ഷിപ്പില് വര്ഗീയതയും, വിഭാഗീയതയും നാട്ടില് പരത്താന് കേരളത്തിന്റെ മുഖ്യമന്ത്രി തന്നെ നേരിട്ട് ഇറങ്ങിയിരിക്കുകയാണെന്ന് കെപിസിസി ജനറല് സെക്രട്ടറിയായ ബി ആര് എം ഷഫീര് ആരോപിച്ചു. നമ്മുടെ മഹത്തായ രാജ്യം വര്ഗീയ ഫാസിസത്തിനെതിരെ രാഹുല്ഗാന്ധിയുടെ നേതൃത്വത്തില് ജനാധിപത്യവും മതേതരത്വവും സംരക്ഷിക്കാന് വേണ്ടി ജീവന് മരണ പോരാട്ടത്തിലാണ്. അപ്പോഴാണ് ഇന്ത്യാ മുന്നണിയുടെ സഖ്യകക്ഷിയായ സിപിഎമ്മും മുഖ്യമന്ത്രി പിണറായി വിജയനും വര്ഗീയ ഫാസിസത്തെ കേരള മണ്ണില് പ്രതിഷ്ഠിക്കാന് കഠിന ശ്രമം നടത്തുന്നത്. അതിന്റെ ഉദാഹരണമാണ് വര്ഗീയ വിഷം ചീറ്റുന്ന വെള്ളാപ്പള്ളി നടേശനുമായുള്ള കൂട്ടുകെട്ടെന്ന് അദ്ദേഹം പറഞ്ഞു. ജിദ്ദ കെഎംസിസി ഓഫീസ് സന്ദര്ശനത്തോടനുബന്ധിച്ച് നല്കിയ സ്വീകരണത്തില് സംസാരിക്കുകയായിരുന്നു അദ്ദേഹം. കെഎംസിസി സെന്ട്രല് കമ്മിറ്റി നടത്തുന്ന നോര്ക്ക ഹെല്പ്പ് ഡസ്ക് സന്ദര്ശിക്കുകയും പ്രവര്ത്തനത്തെ അഭിനന്ദിക്കുകയും ചെയ്തു.
ജലാല് തേഞ്ഞിപ്പലം അധ്യക്ഷത വഹിച്ചു. ഹുസൈന് കരിങ്കറ, സിറാജ് കണ്ണവം, സുബൈര് വട്ടോളി, അഷ്റഫ് താഴെക്കോട്, ലത്തീഫ് വള്ളമുണ്ട, മജീദ് പുകയൂര്, ഇബ്രാഹിം കൊല്ലി, ഇല്യാസ് കല്ലിങ്ങല്, ടി കെ അബ്ദുറഹ്മാന്, നൗഫല് ഉള്ളാടന്, നൗഷാദ് ചപ്പാരപ്പടവ്, നൗഫല് ഉള്ളാടന്, റഷീദ് എറണാകുളം, നസറുദ്ദീന് ആലപ്പുഴ, കരീം കൂട്ടിലങ്ങാടി, മൂസ പട്ടത്ത്, ജാഫര് വെന്നിയൂര്, അസ്ഹബ് വര്ക്കല, രാധാകൃഷ്ണന് കാവുമ്പായി, അനില്കുമാര് പത്തനംതിട്ട, ശരീഫ് അറക്കല് തുടങ്ങിയവര് പ്രസംഗിച്ചു. വി പി മുസ്തഫ സ്വാഗതവും ഹസ്സന് ബത്തേരി നന്ദിയും പറഞ്ഞു.
.jpg)
Related News
