മസ്കത്ത്: ഒമാനില് ഇറാനില് നിന്ന് ഇറക്കുമതി ചെയ്ത കുപ്പിവെള്ളത്തില് വിഷാംശം കലര്ന്നതിനെ തുടര്ന്ന് രണ്ടുപേര് മരിച്ചു. വടക്കന് ബാത്തിന ഗവര്ണറേറ്റിലെ സുവൈഖ് വിലായത്തില് വിഷബാധയേറ്റ ഒരു ഒമാനി പൗരനും ഒരു പ്രവാസി സ്ത്രീയുമാണ് ആശുപത്രിയില് ചികിത്സയിലിരിക്കെ മരിത്തത്.
വിഷബാധയ്ക്ക് കാരണമായത് 'യൂറാന്സ് സ്റ്റാര് (URANS STAR)' എന്ന ബ്രാന്ഡിലുള്ള കുപ്പിവെള്ളമാണെന്ന് അധികൃതര് സ്ഥിരീകരിച്ചു. ആരോഗ്യപ്രതിസന്ധിയെ തുടര്ന്ന് നടത്തിയ ലബോറട്ടറി പരിശോധനയില് ഈ ഉല്പ്പന്നത്തില് ദോഷകരമായ വസ്തുക്കളുടെ സാന്നിധ്യം കണ്ടെത്തി.
സംഭവം ശ്രദ്ധയില്പ്പെട്ട ഉടന് തന്നെ അധികൃതര് കര്ശന നടപടികള് സ്വീകരിച്ചു. വിഷബാധയ്ക്ക് കാരണമായ 'യൂറാന്സ് സ്റ്റാര്' ബ്രാന്ഡിലുള്ള വെള്ളം രാജ്യത്തെ പ്രാദേശിക വിപണികളില് നിന്ന് ഉടന് പിന്വലിക്കാന് പോലീസ് നിര്ദേശം നല്കി. കൂടാതെ, പൊതുജനാരോഗ്യം ഉറപ്പാക്കുന്നതിന്റെ ഭാഗമായി ഇറാനില് നിന്നുള്ള എല്ലാ കുപ്പിവെള്ളത്തിന്റെയും ഇറക്കുമതി സര്ക്കാര് പൂര്ണ്ണമായും നിരോധിച്ചു.
അധികൃതര് പൊതുജനങ്ങള്ക്ക് ജാഗ്രതാ നിര്ദ്ദേശം നല്കിയിട്ടുണ്ട്. സുരക്ഷിതമല്ലാത്തതോ സംശയകരമായതോ ആയ കുപ്പിവെള്ളമോ മറ്റ് ഉപഭോഗവസ്തുക്കളോ ശ്രദ്ധയില്പ്പെട്ടാല് ഉടന്തന്നെ ബന്ധപ്പെട്ട അധികാരികളെ അറിയിക്കണമെന്ന് പൗരന്മാരോടും താമസക്കാരോടും അഭ്യര്ത്ഥിച്ചിട്ടുണ്ട്. പൊതുജനാരോഗ്യം സംരക്ഷിക്കുന്നതിനായി രാജ്യത്ത് കര്ശനമായ മുന്കരുതല് നടപടികള് തുടരുകയാണ്.
.jpg)
Related News
