ജിദ്ദ: വേള്ഡ് മലയാളി ഫെഡറേഷന് ജിദ്ദ കൗണ്സില് ഓണാഘോഷം സഫ്വാ വില്ലയില് കേരളത്തനിമയോടെ അരങ്ങേറി. ഉണ്ണി തെക്കേടത്തിന്റെ നേതൃത്വത്തില് ചെണ്ടമേളത്തിന്റെയും താലപൊലിയേന്തിയ മഹിളകളുടെയും പുലികളിയുടെയും ആകമ്പടിയോടെ മാവേലിയെ എഴുന്നള്ളിച്ചു. തുടര്ന്ന് WMF ന്റെ കുട്ടികളും സ്ത്രീകളും പുരുഷന്മാരും അവതരിപ്പിച്ച വിവിധയിനം കലാപരിപാടികള് വേദിയില് അരങ്ങേറി.
ആഘോഷത്തോടനുബന്ധിച്ചു നടന്ന പൊതുയോഗത്തിന് WMF ജിദ്ദാ കൗണ്സില് പ്രസിഡന്റ് മോഹന് ബാലന് അധ്യക്ഷത വഹിച്ചു. സ്വകാര്യ സന്ദര്ശനത്തിനായി ജിദ്ദയില് എത്തിയ കെപിസിസി സെക്രട്ടറി യോഗം ഉദ്ഘാടനം നിര്വഹിച്ചു. ജിദ്ദാ കൗണ്സില് എക്സിക്യൂട്ടീവ് അംഗം നസീര് വാവാ കുഞ്ഞ് ഓണസന്ദേശം നല്കി. ലോക പിതൃദിനത്തോട്ടനുബന്ധിച്ച് ജിദ്ദ കൗണ്സിലിന്റെ നേതൃത്വത്തില് ആഗോളാടിസ്ഥാനത്തില് 'എന്റെ അച്ഛന്' എന്ന വിഷയത്തില് നടത്തിയ കവിതാ രചനാ മത്സരത്തിന്റെ ഫലം പ്രഖ്യാപിച്ചു.
കലാരംഗത്ത് പ്രഗാല്ഭ്യം തെളിയിച്ച WMF ന്റെ അംഗങ്ങളായ കലാകാരന്മാരെ വേദിയില് ആദരിച്ചു. കോലൈസ് എന്ന ഷോര്ട് ഫിലിമില് പ്രധാന വേഷം അവതരിപ്പിച്ച സോഫിയ സുനില്, ഷയാന് റിയാസ് എന്നിവര്ക്ക് സ്നേഹോപഹാരങ്ങള് സമ്മാനിച്ചു. കൊലസിന്റെ കഥാ തന്തുവിനെ കുറിച്ച് മുസാഫിര് അഹ്മദ് വിശദീകരിച്ചു. പത്താം ക്ളാസിലും പന്ത്രണ്ടിലും വിജയിച്ച WMF ജിദ്ദാ കൗണ്സില് അംഗങ്ങളുടെ കുട്ടികള്ക്ക് അവാര്ഡുകള് നല്കി.
നിഹാല് ഷഫീക്, സ്നേഹ ജോസഫ്, ആന്ഡ്രിയ ലിസ ഷിബു, ഹനാ ഷാനവാസ്, നിവേദിത പ്രകാശ്, നസല് സമാന് എന്നിവര് അവാര്ഡുകള് ഏറ്റുവാങ്ങി.
തുടര്ന്ന് നടന്ന വിവിധയിനം കലാപരിപാടികളില് നാദിര്, സാഹില്, ആദിദേവ്, ആയുഷ്, ജോഹാന്ന, ശ്രേയ, ആയിഷ നേഷ എന്നിവര് ഡാന്സും, മിര്സാ ഷെരീഫ്, മുംതാസ് അബ്ദുല് റഹ്മാന്, സോഫിയ സുനില്, ജോബി റ്റി ബേബി, എബി കെ ചെറിയാന്, ആഷിര് കൊല്ലം, വിവേക് പിള്ള എന്നിവര് ഗാനങ്ങളും ആലപിച്ചു.
ആയുഷ്, ശ്രേരസ് മുഹമ്മദ്, ഷെറിന് മൊഹമ്മദ് എന്നിവര് പുലികളിക്ക് വേഷമിട്ടു. പ്രോഗ്രാം കണ്വീനര് സജി കുര്യാക്കോസ് പ്രോഗ്രാം കോര്ഡിനേറ്റ് ചെയ്തു, മനോജ് മാത്യു അവതാരകന് ആയിരുന്നു. കള്ച്ചറല് കണ്വീനര് എബി കെ ചെറിയാന് കള്ച്ചറല് പ്രോഗ്രാമുകള് ഏകീകരിച്ചു. വര്ഗ്ഗീസ് ഡാനിയേലിന്റെ നേതൃത്വത്തില് വിഭവ സമൃദ്ധമായ ഓണസദ്ദ്യ ഒരുക്കി. പ്രവീണ് എടക്കാട്, നൗഷാദ് കാളികാവ്, ശിവാനന്ദന്, നൗഷാദ് അടൂര്, ഷിബു ജോര്ജ്, ബാജി നെല്പുരയില്
ജാന്സി മോഹന്, റൂബി സമീര്, രേണുക ശിവന്, പ്രിയ സന്ദീപ്, ബഷീര് അപ്പക്കാടന്, ഷിബു ചാലക്കുടി, നുജൂ എന്നിവര് ആഘോഷ പരിപാടികള്ക്ക് നേതൃത്വം നല്കി. ജനറല് സെക്രട്ടറി യൂനുസ് കാട്ടൂര് സ്വാഗതവും ട്രഷറര് സുശീല ജോസഫ് നന്ദിയും പറഞ്ഞു.
.jpg)
