ദമാം: ഭാരതം ഒരു സ്വതന്ത്ര - മതേതരത്വ - റിപ്പബ്ലിക്കാണ് എന്നതും, ഓരോ പൗരനും തന്റെ മതവിശ്വാസം ആചരിക്കാനും - പ്രചരിപ്പിക്കാനും ഉള്ള അവകാശം ഭരണഘടന വകവച്ച് നല്കുന്ന മൗലികാവകാശങ്ങളില് പെട്ടതാണ് എന്നതും ആവര്ത്തിച്ച് ഓര്മ്മിപ്പിക്കേണ്ടി വരുന്ന സാഹചര്യം രാജ്യത്ത് വ്യാപകമായിക്കൊണ്ടിരിക്കുന്നുവെന്നതില് ദമാം - അല്ഖോബാര് ഇസ്ലാഹി സെന്റര് യൂത്ത് വിംഗ് ആശങ്ക പ്രകടിപ്പിച്ചു. പള്ളുരുത്തി സെന്റ് റീത്താസ് പബ്ലിക് സ്കൂളില് മുസ്ലിം പെണ്കുട്ടിയുടെ ഹിജാബ് വിലക്കപ്പെട്ട സംഭവം അപലപനീയം ആണെന്നും, അത് ഒഴിവാക്കാന് ആവശ്യപ്പെട്ട വിദ്യാഭ്യാസ മന്ത്രിയുടെ നേര്ക്ക് സ്കൂള് മാനേജ്മെന്റ് നടത്തുന്ന ധിക്കാരപരമായ പ്രതികരണങ്ങള് ഭരണകൂടത്തോടുള്ള വെല്ലുവിളിയാണെന്നും ദമ്മാം ഫൈസലിയയില് സംഘടിപ്പിച്ച 'ഉണര്വ് 2.0' യുവജന സംഗമത്തില് യൂത്ത് വിങ്ങ് പ്രതിനിധികള് അഭിപ്രായപ്പെട്ടു.
അഹ്മദ് അസ്ലമിന്റെ ഖുര്ആന് പഠനത്തോടുകൂടി ആരംഭിച്ച പരിപാടിയില് അജ്മല് ഫൗസാന് അല് ഹികമി, ഉസാമ ബിന് ഫൈസല് മദീനി, അബ്ദുല്ല അല് ഹികമി, ഡോക്ടര് അബ്ദുല് കബീര് എന്നിവര് പ്രമേയങ്ങള് അവതരിപ്പിച്ചു. എന് വി സാലിം അരീക്കോടിന്റെ നേതൃത്വത്തില് നടന്ന പാനല് ഡിസ്കഷനും, ദമാം ഇന്ത്യന് ഇസ്ലാഹി സെന്റര് ഭാരവാഹികളായ ഫൈസല് ഇമ്പിച്ചിക്കോയ, നൗഷാദ് തൊളിക്കോട്, യൂത്ത് വിംഗ് ഭാരവാഹികളായ മൂസാ ഖാന് തിരുവനന്തപുരം, അബ്ദുസമദ് കരുനാഗപ്പള്ളി, അല്ഖോബാര് യൂത്ത് വിങ് ഭാരവാഹികളായ സാബിത്ത് ഖോബാര്, അല് അമീന് പൊന്നാനി എന്നിവരുടെ സാന്നിധ്യവും ശ്രദ്ധേയമായി. അസാന് മംഗലാപുരം നന്ദി പറഞ്ഞു. ദമാം, അല്ഖോബാര് മേഖലയിലെ യുവജനങ്ങളുടെ വമ്പിച്ച പങ്കാളിത്തം പരിപാടിയെ ശ്രദ്ധേയമാക്കി.
.jpg)
Related News
