റിയാദ്: സൗദി അറേബ്യയുടെ ടൂറിസം രംഗത്ത് വിപ്ലവകരമായ മാറ്റങ്ങള്ക്ക് വഴിയൊരുക്കി, രാജ്യത്തെ പ്രധാന വിനോദസഞ്ചാര മേഖലകളില് ഹെലിപാഡുകള് സ്ഥാപിക്കാന് ധാരണയായി. സൗദി ടൂറിസം അതോറിറ്റിയും സെക്കന്ഡ് എയര്പോര്ട്ട് ക്ലസ്റ്ററും തമ്മിലാണ് നിര്ണായകമായ ഈ കരാര് ഒപ്പുവെച്ചിരിക്കുന്നത്.
ഈ സഹകരണത്തിന്റെ പ്രധാന ലക്ഷ്യം വ്യോമയാന, ടൂറിസം മേഖലകളെ സംയോജിപ്പിച്ചുകൊണ്ട് രാജ്യത്തെ വിനോദസഞ്ചാര മേഖലയുടെ വികസനം ത്വരിതപ്പെടുത്തുക എന്നതാണ്. ഇതിന്റെ ഭാഗമായി വിനോദസഞ്ചാര കേന്ദ്രങ്ങളിലെ പ്രധാനപ്പെട്ട ലൊക്കേഷനുകള് കണ്ടെത്തി ഹെലിപാഡുകള് നിര്മിക്കും.
ഇതുവഴി ടൂറിസം ഗതാഗതത്തിന്റെ അടിസ്ഥാന സൗകര്യങ്ങള് മെച്ചപ്പെടുത്തുകയും സന്ദര്ശകരുടെ യാത്ര കൂടുതല് ലളിതമാക്കുകയും ചെയ്യും.
രാജ്യത്തെ വൈവിധ്യമാര്ന്ന ടൂറിസ്റ്റ് കേന്ദ്രങ്ങളുടെ തനിമയും ഗുണനിലവാരവും ഉള്ക്കൊണ്ടുകൊണ്ട്, സഞ്ചാരികള്ക്ക് അവിസ്മരണീയമായ അനുഭവം ഉറപ്പാക്കാനാണ് ഇരുവിഭാഗങ്ങളും കൈകോര്ക്കുന്നത്. 'വിഷന് 2030' ലക്ഷ്യങ്ങള് കൈവരിക്കുന്നതില് ഈ പങ്കാളിത്തം നിര്ണായക പങ്ക് വഹിക്കുമെന്നാണ് വിലയിരുത്തല്. ഇത് ടൂറിസം മേഖലയുടെ വളര്ച്ചക്ക് ഊര്ജ്ജം പകരുകയും യാത്രക്കാരുടെ സൗകര്യങ്ങള് ഗണ്യമായി വര്ദ്ധിപ്പിക്കുകയും ചെയ്യും.
.jpg)
Related News
