ജിദ്ദ: പഴയ കാല തിരുവിതാംകൂര് പ്രദേശങ്ങളില് നിന്നുള്ള ജിദ്ദാ പ്രവാസികളുടെ കൂട്ടായ്മയായ ജിദ്ദ തിരുവിതാംകൂര് അസ്സോസിയേഷന് സംഘടിപ്പിച്ച ഇഫ്താര് സംഗമം ജനപങ്കാളിത്തം കൊണ്ടും തിരുവിതാംകൂര് ശൈലിയിലുള്ള നോമ്പുതുറ വിഭവങ്ങളാലും ശ്രദ്ധേയമായി.
കന്യാകുമാരി മുതല് കാസര്ഗോഡു വരെയുള്ള വിവിധ സാമൂഹ്യ, സാംസ്കാരിക, സംഘടനാ പ്രവര്ത്തകരും സുഹൃത്തുക്കളും ഒത്തു ചേര്ന്ന സ്നേഹസംഗമം ജിദ്ദാ പ്രവാസി മലയാളികള്ക്ക് സമഭാവനയോടെ കുടുംബസമേതം ഒത്തു കൂടാനും സ്നേഹാശംസകള് നേരാനുമുള്ള വേദിയായി മാറി.
മാനവിക ഐക്യത്തിലും സാഹോദര്യത്തിലും വിളയുന്ന കരുതലും ചേര്ത്തു പിടിക്കലും സമാധാനത്തിന്റെയും സന്തോഷത്തിന്റെയും വസന്തം വിരിയിക്കുമെന്നും അതിനായുള്ള യത്നം മനുഷ്യരെന്ന നിലയില് നാം ഓരോരുത്തരുടേയും കടമയാണെന്നും സഹജീവികളോടും നാം അധിവസിക്കുന്ന പ്രകൃതിയോടും കരുതലും പ്രതിബദ്ധതയും സൂക്ഷ്മതയും പുലര്ത്തണമെന്നും ഉസ്താദ് നുജുമുദ്ധീന് ബുര്ഹാനി റമദാന് സന്ദേശം നല്കി പറഞ്ഞു.
സംഗമത്തോടനുബന്ധിച്ചു നടന്ന ചടങ്ങിന് ജെടിഎ ജന. സെക്രട്ടറി റഷീദ് ഓയൂര് സ്വാഗതം പറഞ്ഞു. പ്രസിഡണ്ട് നൗഷാദ് ജമാല് പന്മന അധ്യക്ഷത വഹിച്ചു. ചെയര്മാന് നസീര് വാവാക്കുഞ്ഞ് ആശംസകളും ട്രഷറര് രഞ്ജിത്ത് വള്ളികുന്നം നന്ദിയും പറഞ്ഞു.
അനില് വിദ്യാധരന്, രജികുമാര്, മസൂദ് ബാലരാമപുരം, ആഷിര് കൊല്ലം, ഷെഫിന് ഷാ, മുനാജ് മുസ്തഫ, അനില്കുമാര് പത്തനംതിട്ട, നജീബുദ്ധീന്, നിസാര് കരുനാഗപ്പള്ളി, ആദില് നവാസ് ചിറ്റാര്, ശിഹാബ് താമരക്കുളം, ഷാജി റോയല് വള്ളികുന്നം, ഷറഫുദീന് പത്തനംതിട്ട, അയ്യൂബ് ഖാന് പന്തളം, നിഷാദ് കരുനാഗപ്പള്ളി, ഡെന്സന്, രാംകുമാര്, പോള്, ബിനു ദാസ്, ജ്യോതി ബാബുകുമാര്, ശ്രീദേവി അനില്, സിത്താര നൗഷാദ്, ഷൈമോള്, ഫാത്തിമ നിഷാദ്, പ്രീത, ആശ, ആതിര, ഹസീന നവാസ്, മറിയം റോസ് മുജീബ് കന്യാകുമാരി, നാസര് മോങ്ങം, സജ്ന ഷെഫിന്, നീതു നജീബ് എന്നിവര് നേതൃത്വം നല്കി.
.jpg)
Related News
