അല് ഖര്ജ്: ഒ.ഐ.സി.സി. അല് ഖര്ജ് കമ്മിറ്റിയുടെ ആഭിമുഖ്യത്തില് സംഘടിപ്പിച്ച ഇഫ്താര് സംഗമം വന് ജനപങ്കാളിത്തം കൊണ്ട് ശ്രദ്ധേയമായി. അല് ഖര്ജിലെ മുംതാസ് ഹോട്ടല് ഓഡിറ്റോറിയത്തില് നടന്ന സംഗമത്തില് ഒ.ഐ.സി.സി. അല് ഖര്ജ് പ്രസിഡന്റ് സവാദ് ആയത്തില് അധ്യക്ഷത വഹിച്ചു.
റിയാദ് സെന്ട്രല് കമ്മിറ്റി വര്ക്കിംഗ് പ്രസിഡന്റ് നവാസ് വെള്ളിമാടുകുന്ന് ചടങ്ങ് ഉദ്ഘാടനം ചെയ്തു. ഒ.ഐ.സി.സി. സൗദി നാഷണല് കമ്മിറ്റി നിര്വാഹക സമിതി അംഗം മാള മുഹയുദ്ധീന് റമദാന് സന്ദേശം നല്കി.
ഒ.ഐ.സി.സി. റിയാദ് സെന്ട്രല് കമ്മിറ്റി ജനറല് സെക്രട്ടറി സുരേഷ് ശങ്കര്, പത്മിനി നായര്, നാസര് പൊന്നാനി, റഷീദ് അലി, നൗഫല് (കേളി), ഹബീബ് കൊണ്ടോട്ടി, മുഹമ്മദ് പുന്നക്കാട്, ഇക്ബാല്, സിദ്ധിക്ക് പാങ്ങ് (കെ.എം.സി.സി.), സാദിക്ക് സഖാഫി, ഇസ്മായില് (ഐ.സി.എഫ്.), ഹെന്റി, രതീഷ് (ഡബ്ല്യു.എം.എഫ്.) തുടങ്ങിയവര് ആശംസകള് നേര്ന്നു.
ഒ.ഐ.സി.സി. അല് ഖര്ജ് ജനറല് സെക്രട്ടറി ഷാജി മുത്തേടം സ്വാഗതവും, വൈസ് പ്രസിഡന്റ് സാം കോട്ടയം നന്ദിയും പറഞ്ഞു. കെവിന് പൊട്ടക്കല്, ബോസ് കുര്യന്, വിപിന്, ഷഫീഖ്, ജോര്ജ്, ഇബ്രാഹിം മുപ്പിനി, അന്വര് അല് ഖര്ജ്, നൗഷാദ് റോഡ്വിള എന്നിവര് ഇഫ്താര് സംഗമത്തിന് നേതൃത്വം നല്കി.
.jpg)
Related News
