റിയാദ്: സൗദി അറേബ്യയിലെ കിഴക്കന് പ്രവിശ്യ ലക്ഷ്യമാക്കി തൊടുത്തുവിട്ട ബാലിസ്റ്റിക് മിസൈല് പ്രതിരോധ സേന വിജയകരമായി തടയുകയും നശിപ്പിക്കുകയും ചെയ്തതായി പ്രതിരോധ മന്ത്രാലയം വക്താവ് മേജര് ജനറല് തുര്ക്കി അല് മാലിക്കി ചൊവ്വാഴ്ച അറിയിച്ചു. അല്-സുല്ഫി ഗവര്ണറേറ്റിലെ ഒരു ജനവാസ കേന്ദ്രത്തില് ഡ്രോണ് പതിച്ചതിനെത്തുടര്ന്ന് സിവില് ഡിഫന്സ് സംഘം സ്ഥലത്തെത്തി നടപടികള് സ്വീകരിച്ചു. ഈ സംഭവത്തില് ചെറിയ രീതിയിലുള്ള നാശനഷ്ടങ്ങള് ഉണ്ടായെങ്കിലും ആര്ക്കും പരിക്കേറ്റതായി റിപ്പോര്ട്ടുകളില്ല.
അല്-ഖര്ജ് ഗവര്ണറേറ്റിന് കിഴക്കായി രണ്ട് ഡ്രോണുകളും, കിഴക്കന് പ്രവിശ്യയില് മറ്റ് രണ്ട് ഡ്രോണുകളും തടഞ്ഞു നശിപ്പിച്ചു. ഷൈബ എണ്ണപ്പാടത്തിനും അല്-ജൗഫ് മേഖലയ്ക്കും നേരെ അയച്ച 15 ഡ്രോണുകള് കഴിഞ്ഞ ദിവസം ശൂന്യമായ പ്രദേശം വെച്ച് തകര്ത്തിരുന്നു.
Photo; മേജര് ജനറല് തുര്ക്കി അല് മാലിക്കി
.jpg)
Related News
