റിയാദ്: റിയാദിലെ ഷിഫ സനയയിലെ വര്ക്ക്ഷോപ്പ് തൊഴിലാളികളുടെ സംഘടനയായ ഷിഫ മലയാളി സമാജം (എസ്.എം.എസ്) സംഘടിപ്പിച്ച ഇഫ്താര് സ്നേഹവിരുന്ന് ജനപങ്കാളിത്തം കൊണ്ട് ശ്രദ്ധേയമായി. മൂന്ന് കിലോമീറ്റര് ചുറ്റളവില് നിന്നായി ആയിരത്തിലധികം പേരാണ് സംഗമത്തില് അണിചേരാന് എത്തിയത്. സംഘടന പ്രവര്ത്തകര് തന്നെ തയ്യാറാക്കിയ സ്വാദിഷ്ടമായ വിഭവങ്ങളും പ്രവര്ത്തകരുടെ ഊഷ്മളമായ സ്വീകരണവും ഏറെ ശ്രദ്ധിക്കപ്പെട്ടു.
സഫ സ്പോഞ്ച് കമ്പനിയുടെ വിശാലമായ ഹാളിലാണ് ഇഫ്താര് ഒരുക്കിയത്. പ്രസിഡന്റ് ഫിറോസ് പോത്തന്കോടിന്റെ അധ്യക്ഷതയില് നടന്ന സാംസ്കാരിക പരിപാടി റിയാദിലെ മുതിര്ന്ന മാധ്യമപ്രവര്ത്തകന് നജീം കൊച്ചുകലുങ്ങ് ഉദ്ഘാടനം ചെയ്തു. സ്നേഹത്തിന്റെയും സാഹോദര്യത്തിന്റെയും ഒത്തൊരുമയുടെയും ഉദാത്തമായ കാഴ്ചയാണ് എസ്.എം.എസ് സംഘടിപ്പിച്ച ഈ വിരുന്നെന്ന് അദ്ദേഹം പറഞ്ഞു.
ഇഫ്താറിനോടനുബന്ധിച്ച് പ്രവാസികള്ക്കായി ബാങ്ക് അക്കൗണ്ട് എടുക്കുന്നതിനുള്ള സൗകര്യവും ഒരുക്കിയിരുന്നു. ചടങ്ങില് സഫ സ്പോഞ്ച് മാനേജിങ് ഡയറക്ടര് അബു അബ്ദുല് അസീസ് മുത്തേരി, അബ്ദുള്ള ഇബ്രാഹിം അല് മുഖീറ എന്നീ സൗദി പൗരന്മാര്ക്ക് സമാജത്തിന്റെ സ്നേഹാദരവ് കൈമാറി.
ഹാഷിം അബ്ബാസ്, സൈഫ് കായംകുളം, റിജോഷ്, ഷൈജു പച്ച, നാസര് കല്ലറ, ഷിബു പത്തനാപുരം, പുഷ്പരാജ്, റാഫി കൊയിലാണ്ടി, അമീര്, മൈമൂന ടീച്ചര്, അബ്ദുള്ള വല്ലഞ്ചിറ, ക്ലീറ്റസ്, ബിജു ജോസഫ്, ഹാരിസ് ചോല, ഷമീര്, സിയാസ്, എന്.ആര്.കെ. പ്രതിനിധി സുരേന്ദ്രന്, ഷാജു വാലപ്പന്, രവീന്ദ്രന്, ജിതിന് മാത്തന്, മജീദ് മാനു എന്നിവര് പ്രസംഗിച്ചു.
സെക്രട്ടറി സജീര് കല്ലമ്പലം സ്വാഗതം പറഞ്ഞു. കണ്വീനര്മാരായ അശോകന് ചാത്തന്നൂര്, മധു വര്ക്കല, സന്തോഷ് തിരുവല്ല, സാബു പത്തടി, രതീഷ് നാരായണന്, ബിജു മടത്തറ, മോഹനന് കരുവാറ്റ, പ്രകാശ് ബാബു വടകര, ബിജു സി.എസ്., ബിനീഷ്, ബാബു കണ്ണോത്ത്, ഉമ്മര് പട്ടാമ്പി, അലി, വഹാബ്, അനില് കണ്ണൂര്, ലിജോ ജോയ്, സുനില് പൂവത്തിങ്കല്, അലവിക്കുട്ടി, നാസര്, ഷാജിത് ചോറോട്, ഉമ്മര് അമാനത്ത്, അലി ഷൊര്ണൂര്, മോഹനന് കണ്ണൂര്, റഹീം പറക്കോട്, ഹനീഫ മലപ്പുറം, വിജയന് ഓച്ചിറ എന്നിവര് നേതൃത്വം നല്കി. ട്രഷറര് വര്ഗീസ് ആളൂക്കാരന് നന്ദി പറഞ്ഞു.
.jpg)
