റിയാദ്- സൗദി അറേബ്യയുടെ വടക്കന് അതിര്ത്തി പ്രവിശ്യയില് ഉള്പ്പെട്ട തരീഫ് ഗവര്ണറേറ്റിലും പ്രാന്തപ്രദേശങ്ങളിലും ഞായറാഴ്ച മിതമായ മഴ ലഭിച്ചു. ജനവാസ കേന്ദ്രങ്ങളിലും നഗരത്തിന് ചുറ്റുമുള്ള വിവിധയിടങ്ങളിലും പെയ്ത മഴ മേഖലയില് ആശ്വാസകരമായ കാലാവസ്ഥയാണ് സമ്മാനിച്ചത്. വടക്കന് അതിര്ത്തിയുടെ പ്രകൃതിഭംഗിക്ക് മാറ്റുകൂട്ടുന്നതായിരുന്നു ഈ വര്ഷകാലം.
രാജ്യത്തിന്റെ വിവിധ ഭാഗങ്ങളില് നിലവിലുള്ള മഴക്കെടുതിയുടെയും കാലാവസ്ഥാ വ്യതിയാനത്തിന്റെയും ഭാഗമായാണ് തരീഫിലും മഴയെത്തിയത്. കഴിഞ്ഞ കുറച്ചു ദിവസങ്ങളായി ആകാശത്ത് കാര്മേഘങ്ങള് ഉരുണ്ടുകൂടി നിന്നിരുന്നു. ഉച്ചയോടെ പെയ്തിറങ്ങിയ മഴ തരീഫിലെ തെരുവുകളെയും പാര്ക്കുകളെയും നനച്ചു.
ദേശീയ കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ് പ്രകാരം രാജ്യത്തിന്റെ വടക്കന് മേഖലകളില് വരും മണിക്കൂറുകളിലും മഴ തുടരാന് സാധ്യതയുണ്ട്. ഇതിന്റെ പശ്ചാത്തലത്തില് മുന്കരുതല് നടപടികള് സ്വീകരിക്കാന് അധികൃതര് നിര്ദ്ദേശം നല്കിയിട്ടുണ്ട്.
Related News
