ജിസാന്: നാലാമത് വാര്ഷികാഘോഷങ്ങളോടനുബന്ധിച്ച് സാംപ്കോ 'സിംഫണി ഓഫ് സക്സസ്' എന്ന പേരില് ജിസാനില് സംഘടിപ്പിച്ച കലാവിരുന്നും സംഗീത നിശയും വിവിധ കായിക മത്സരങ്ങളും ശ്രദ്ധേയമായി. കമ്പനി ജീവനക്കാരുടെയും പ്രവാസി സമൂഹത്തിന്റെയും സജീവ പങ്കാളിത്തം ആഘോഷപരിപാടികള്ക്ക് ആവേശം പകര്ന്നു. സാംപ്കോ കോമ്പൗണ്ടില് നടന്ന വാര്ഷികാഘോഷ ചടങ്ങില് മാനേജിംഗ് ഡയറക്ടറന്മാരായ അഹമ്മദ് ഉച്ചില്, കെ.പി.പ്രവീണ്കുമാര്, അബ്ദുള് റഹിം അബ്ദുള്ള, അസിസ്റ്റന്റ് മാനേജര് ഇസ്മായില് റാസി ബിന്, പ്രോജക്ട് മാനേജര് സൂരജ് തയ്യില് എന്നിവര് സംസാരിച്ചു. സുഹൃദ്സംഗമത്തില് എ.എസ്.ജി കമ്പനി മാനേജിംഗ് ഡയറക്ടര് ഷമി, കെ.എം.സി.സി സൗദി ദേശീയ സെക്രട്ടറി ഹാരിസ് കല്ലായി, കേന്ദ്ര കമ്മിറ്റി പ്രസിഡന്റ് ശംസു പൂക്കോട്ടൂര്, ജല കേന്ദ്ര കമ്മിറ്റി ജനറല് സെക്രട്ടറി സലാം കൂട്ടായി, പ്രസിഡന്റ് ഫൈസല് മേലാറ്റൂര്, മാധ്യമപ്രവര്ത്തകനും ജിദ്ദ ഇന്ത്യന് കോണ്സുലേറ്റ് സാമൂഹിക ക്ഷേമസമിതി അംഗവുമായ താഹ കൊല്ലേത്ത്, സിറാജ് പുല്ലൂരാമ്പാറ,അബ്ദുല് റഹിമാന്, റഫീഖ് എന്നിവര് ആശംസകള് നേര്ന്നു.
സാധ്വിക സൂരജ്, ശില്പ പ്രവീണ്, ഖദീജ താഹ, നൂറ ഫാത്തിമ, എവിലിന് ജോര്ജ്, നൗറ മരിയ ജിനു, സീറ റിച്ച ജിനു എന്നിവര് അവതരിപ്പിച്ച നൃത്തനൃത്യങ്ങള് ഹൃദ്യമായി. കലാവിരുന്നില് കുട്ടികളുടെ വിവിധ കലാപരിപാടികളും അരങ്ങേറി. പ്രസിദ്ധ ഗായകരായ ആശ ഷിജുവും അലി റിസയും നേതൃത്വം നല്കിയ ഗ്രാന്ഡ് മ്യൂസിക്കല് നൈറ്റ് കാണികള്ക്ക് ആവേശം പകര്ന്നു. സലിം മൈസൂര് ഹിന്ദി ഗാനാലാപനം നടത്തി.
വാര്ഷികാഘോഷങ്ങളുടെ ഭാഗമായി നടന്ന ആവേശകരമായ ക്രിക്കറ്റ് മത്സരത്തില് ജിസാന് സൂപ്പര് കിംഗ്സ് ഒന്നാം സ്ഥാനവും യൂണിവേഴ്സല് സ്ട്രൈക്കേഴ്സ് രണ്ടാം സ്ഥാനവും നേടി. ഫൈനല് മത്സരത്തില് മികച്ച പ്രകടനം കാഴ്ചവെച്ച ജിസാന് സൂപ്പര് കിംഗ്സ് എതിരാളികളെ മറികടന്ന് കിരീടം സ്വന്തമാക്കി. മത്സരത്തില് മികച്ച പ്രകടനം കാഴ്ച്ച വെച്ച ഇരുടീമുകളുടെയും കളിക്കാര്ക്കും വിജയികള്ക്കും ട്രോഫിയും സമ്മാനങ്ങളും ചടങ്ങില് വിതരണം ചെയ്തു. വിവിധ കായിക മത്സരങ്ങളില് വിജയികളായ അഞ്ജിത ജോഷി, റിസ, പ്ളാബോന്, ജമീല്, അല്ഖന്സ അഹമ്മദ് ഹസന്, അനീസ, സാരംഗ് സൂരജ്, ഫിറോസ്, സാധ്വിക സൂരജ്, ഷാഹിന് ആലം, ആസിഫ് അബ്ദുള്ള, റെയ്ഹാന്, ശിബ്ലി, അറാഫത്ത് യാസില്, സെയ്ഫുള്ള നടയ്ക്കല് എന്നിവര്ക്ക് ചടങ്ങില് സമ്മാനങ്ങള് നല്കി. സാംപ്കോ സൂപ്പര്വൈസറന്മാരായ ആസിഫ് അബ്ദുള്ള, റിയാസ് മുഹമ്മദ്, സെയിഫുള്ള നടയ്ക്കല് എന്നിവര് വാര്ഷികാഘോഷ പരിപാടികള്ക്ക് നേതൃത്വം നല്കി.
.jpg)
Related News
