ജിദ്ദ: തിരുവിതാംകൂര് സ്വദേശികളുടെ പ്രവാസി സാംസ്കാരിക കൂട്ടായ്മയായ ജിദ്ദ തിരുവിതാംകൂര് അസോസിയേഷന് (JTA) 'വസന്ത വിസ്മയം' എന്ന ശീര്ഷകത്തില് പഠനയാത്ര സംഘടിപ്പിച്ചു. അംഗങ്ങളുടെ സര്ഗ്ഗസിദ്ധി പരിപോഷിപ്പിക്കുന്നതിനും വൈവിധ്യമാര്ന്ന അറിവുകള് പകര്ന്നു നല്കുന്നതിനും ഇത്തരം യാത്രകള് ഉപകരിക്കുമെന്ന് യാത്രയില് കുടുംബസമേതം പങ്കെടുത്ത ശാസ്ത്രജ്ഞന് ഡോ. ജസ്സിന് കൗസ്ത് അഭിപ്രായപ്പെട്ടു.
യാമ്പൂ പുഷ്പമേള സന്ദര്ശനം, മലയാള ഭാഷ, കേരള ചരിത്രം, ആരോഗ്യ പരിപാലനം എന്നീ വിഷയങ്ങളിലുള്ള ക്ലാസ്സുകള് എന്നിവ യാത്രയുടെ ഭാഗമായി നടന്നു. കൂടാതെ ഗാന്ധി - അംബേദ്കര് സ്കിറ്റ്, 'ആര്ക്കും പാടാം' ഗാനമേള, ബോട്ട് സവാരി, വനിതാവേദിയുടെ നേതൃത്വത്തില് നടന്ന കുരവയിടല് തുടങ്ങിയ കലാപരിപാടികളും യാത്രയ്ക്ക് മാറ്റുകൂട്ടി.
പഠനയാത്രയ്ക്ക് ജെ.ടി.എ പ്രസിഡന്റ് നൗഷാദ് പന്മന, ജനറല് സെക്രട്ടറി റഷീദ് ഓയൂര്, ചെയര്മാന് നസീര് വാവാക്കുഞ്ഞ്, വനിതാവേദി ചെയര്പേഴ്സണ് ജ്യോതി ബാബുകുമാര്, സാംസ്കാരിക വിഭാഗം നേതാക്കളായ ശിഹാബ് താമരക്കുളം, മസൂദ് ബാലരാമപുരം, വൈസ് പ്രസിഡന്റ് അനില് വിദ്യാധരന്, യാത്രാ കോര്ഡിനേറ്റര്മാരായ അയ്യൂബ് ഖാന് പന്തളം, നവാസ് ചിറ്റാര് എന്നിവര് നേതൃത്വം നല്കി.
പരിപാടി വിജയകരമാക്കിയ എല്ലാ അംഗങ്ങള്ക്കും നന്ദി അറിയിക്കുന്നതായി സംഘാടക സമിതി അംഗങ്ങളായ അഷ്റഫ് മുന്ന തൃശൂര്, റസാഖ് കാഞ്ഞിരപ്പള്ളി, ഷെഫിന് ഷാ, നിഷാദ് നസീര്, ഡെന്സണ് ചാക്കോ, ആഷിര് കൊല്ലം എന്നിവര് അറിയിച്ചു.
.jpg)
Related News
