റിയാദ്: തമിഴ്നാട്ടിലെ പൊള്ളാച്ചി വാല്പ്പാറ മലയോര പാതയിലുണ്ടായ ദാരുണമായ വാഹനാപകടത്തില് ഒമ്പത് പേര് മരിച്ച സംഭവത്തില് റിയാദ് ഒ.ഐ.സി.സി സെന്ട്രല് കമ്മിറ്റി അഗാധമായ ദുഃഖവും അനുശോചനവും രേഖപ്പെടുത്തി.
വിനോദസഞ്ചാരത്തിന് പോയ അധ്യാപകരും അവരുടെ കുടുംബാംഗങ്ങളും സഞ്ചരിച്ചിരുന്ന വാഹനമാണ് അപകടത്തില്പ്പെട്ടത്. ഈ ദുഃഖവാര്ത്ത ഏറെ വേദനയോടെയാണ് പ്രവാസി സമൂഹം ഏറ്റുവാങ്ങിയതെന്ന് ഒ.ഐ.സി.സി നേതൃത്വം അറിയിച്ചു.
അപ്രതീക്ഷിതമായ ഈ ദുരന്തം കുടുംബങ്ങളെ വലിയ ദുഃഖത്തിലാഴ്ത്തിയിരിക്കുകയാണ്. മരിച്ചവരുടെ കുടുംബാംഗങ്ങളുടെ ദുഃഖത്തില് പങ്കുചേരുന്നതായും പരിക്കേറ്റ് ചികിത്സയില് കഴിയുന്നവര് എത്രയും വേഗം സുഖം പ്രാപിക്കട്ടെയെന്നും ഒ.ഐ.സി.സി പ്രാര്ത്ഥിച്ചു.
അപകടത്തില്പ്പെട്ടവര്ക്ക് ആവശ്യമായ എല്ലാ സഹായങ്ങളും സര്ക്കാര് തലത്തില് അടിയന്തരമായി ലഭ്യമാക്കണമെന്നും ആശുപത്രികളില് മികച്ച ചികിത്സാ സൗകര്യങ്ങള് ഉറപ്പാക്കണമെന്നും ഒ.ഐ.സി.സി അഭ്യര്ത്ഥിച്ചു.
Related News
