ജിദ്ദ: ലോകമെമ്പാടുമുള്ള തൊഴിലാളികളുടെ അവകാശപ്പോരാട്ടങ്ങളുടെ കരുത്തിന്റെയും ദിശാബോധത്തിന്റെയും പ്രതീകമാണ് മെയ്ദിനമെന്ന് ഡോ. ഷിബു തിരുവനന്തപുരം അഭിപ്രായപ്പെട്ടു. മെയ് ഒന്നിന് സംഘടിപ്പിക്കപ്പെട്ട സമീക്ഷയുടെ പ്രതിമാസ വായനയില് മെയ്ദിന സന്ദേശം നല്കുകയായിരുന്നു അദ്ദേഹം. സി.ജെ. തോമസിന്റെ മെയ്ദിനത്തെക്കുറിച്ചുള്ള രചനയെ മുന്നിര്ത്തി സംസാരിച്ച അദ്ദേഹം, ലോക തൊഴിലാളി വര്ഗ്ഗത്തിന്റെ പോരാട്ടങ്ങളുടെയും വളര്ച്ചയുടെയും നാള്വഴികള് സദസ്സുമായി പങ്കുവെച്ചു.
യോഗത്തില് എഴുത്തുകാരനും മുതിര്ന്ന പത്രപ്രവര്ത്തകനുമായ മുസാഫിര് മെയ്ദിന ചിന്തകള് അവതരിപ്പിച്ചു. സാമൂഹിക പ്രവര്ത്തകന് സലാഹ് കാരാടന്, ഗായകന് മിര്സ ഷെരീഫ്, നീനു വിവേക് എന്നിവര് സ്വാനുഭവങ്ങളുടെ വെളിച്ചത്തില് മെയ്ദിനത്തിന്റെ പ്രസക്തിയെക്കുറിച്ച് സംസാരിച്ചു.
തുടര്ന്ന് നടന്ന പ്രതിമാസ വായനയില് നസീര് വാവക്കുഞ്ഞ് (ദി ഡ്രീം - മുഹമ്മദ് അമാന്), റഫീഖ് പത്തനാപുരം (ഫാഷിസവും സംഘപരിവാറും - ഡോ. എം.കെ. മുനീര്), ഷാജു അത്താണിക്കല് (ഇനിയുള്ള ദിവസങ്ങള് - വീരാന്കുട്ടി), അനുപമ ബിജുരാജ് (ഇരിച്ചാല് കാപ്പ് - ഷംസുദ്ദീന് കുട്ടോത്ത്),
അയ്യൂബ് മുസ്ലിയാരാകത്ത് (ഷേക്സ്പിയറുടെ പ്രതിനായകന്മാര്), അസൈന് ഇല്ലിക്കല് (ഫുള്ളി ഓട്ടോമേറ്റഡ് ലക്ഷ്വറി കമ്മ്യൂണിസം - ആരോണ് ബസ്താനി), അബീഷ് (അറ്റോമിക് ഹാബിറ്റ്സ് - ജെയിംസ് ക്ലിയര്) എന്നിവര് തങ്ങളുടെ വായനാനുഭവങ്ങള് പങ്കുവെച്ചു:
സെര്ജി ഐസന്സ്റ്റീന് സംവിധാനം ചെയ്ത വിശ്വപ്രസിദ്ധ ചലച്ചിത്രം ''ബാറ്റില്ഷിപ്പ് പൊട്ടംകിന്'' നൂറു വര്ഷങ്ങള്ക്കിപ്പുറവും എങ്ങനെ ചലച്ചിത്ര വിദ്യാര്ത്ഥികള്ക്ക് ഒരു പാഠപുസ്തകമാകുന്നു എന്ന് അലി അരീക്കത്ത് വിവരിച്ചു. പോയ നൂറ്റാണ്ടുകളിലെ കേരളത്തിലെ ദളിത് തൊഴിലാളി സ്ത്രീകളുടെ ജീവിതകഥ പറഞ്ഞ മുഹ്സിന് കാളികാവ്, ഒരു നാടന് താരാട്ടുപാട്ടോടുകൂടി പരിപാടികള്ക്ക് സമാപനം കുറിച്ചു.
ജിദ്ദയിലെ എന്. കംഫര്ട്ട് ഓഡിറ്റോറിയത്തില് സമീക്ഷ ചെയര്മാന് ഹംസ മദാരിയുടെ അധ്യക്ഷതയില് നടന്ന യോഗത്തില് അസൈന് ഇല്ലിക്കല് സ്വാഗതവും ബിജുരാജ് രാമന്തളി നന്ദിയും പറഞ്ഞു.
.jpg)
