വാഷിംഗ്ടണ്: കഴിഞ്ഞ മാസം തുര്ക്കിയിലെ നാറ്റോ ഉച്ചകോടിക്ക് ശേഷം, ഇറാന് വധഭീഷണിയെ തുടര്ന്ന് യു.എസ് സുരക്ഷാ ഉദ്യോഗസ്ഥര് തങ്ങളെ രഹസ്യമായി മറ്റൊരു വിമാനത്തിലേക്ക് മാറ്റിയതായി യു.എസ് പ്രസിഡന്റ് ഡൊണാള്ഡ് ട്രംപ് സ്ഥിരീകരിച്ചു. സീക്രട്ട് സര്വീസും സൈന്യവുമാണ് ഈ തീരുമാനമെടുത്തതെന്ന് ട്രംപ് വ്യക്തമാക്കി.
അങ്കാറ വിമാനത്താവളത്തില് വെച്ച് പ്രസിഡന്റിന്റെ ഔദ്യോഗിക വിമാനത്തില് നിന്ന് ട്രംപിനെ രഹസ്യമായി ചെറിയൊരു സൈനിക ജെറ്റിലേക്ക് മാറ്റിയെന്ന റിപ്പോര്ട്ടുകള് പുറത്തുവന്നതിന് പിന്നാലെയാണ് ഈ വെളിപ്പെടുത്തല്. നാറ്റോ ഉച്ചകോടിക്ക് ശേഷം അങ്കാറ അന്താരാഷ്ട്ര വിമാനത്താവളത്തില് യു.എസ് പ്രസിഡന്റ് ഡൊണാള്ഡ് ട്രംപുമായുള്ള വാഹനവ്യൂഹം എത്തിയപ്പോള് എയര്ഫോഴ്സ് വണ്ണിന് സമീപം കാറ്ററിംഗ് ട്രക്കുകള് നിര്ത്തിയിട്ടിരുന്നു. ഈ കാറ്ററിംഗ് ട്രക്കിനുള്ളിലിരുന്നാണ് അദ്ദേഹത്തെ രഹസ്യമായി മാറ്റിയത്. വധഭീഷണിയെത്തുടര്ന്ന് രഹസ്യ സേനയുടെയും സൈന്യത്തിന്റെയും നിര്ദ്ദേശങ്ങള് പാലിച്ചാണ് താന് വിമാനം മാറിയതെന്ന് ഡൊണാള്ഡ് ട്രംപ് വിശദീകരിച്ചു.
'അവര് എന്താണ് ചെയ്യാന് ആഗ്രഹിക്കുന്നത് എന്ന് ഞാന് പിന്തുടരുന്നു. അതുകൊണ്ട് രഹസ്യ സേനയുടെയും സൈന്യത്തിന്റെയും നിര്ദ്ദേശപ്രകാരമാണ് ഞാന് പ്രവര്ത്തിക്കുന്നത്. അവര്ക്ക് എന്നെ മറ്റൊരു വിമാനത്തില്, അതേ സുരക്ഷയോടെ യാത്ര അയക്കണമായിരുന്നു. അതാണ് അവര് ആവശ്യപ്പെട്ടത്, ഞാന് അത് അനുസരിച്ചു. അവര് പറയുന്നതാണ് ഞാന് ചെയ്യുന്നത്' ട്രംപ് പറഞ്ഞു.
നാറ്റോ ഉച്ചകോടിക്ക് ശേഷം ട്രംപ് സുപരിചിതമായ 'എയര്ഫോഴ്സ് വണ്' വിമാനത്തില് കയറുന്നതായി അഭിനയിക്കുകയായിരുന്നു. എന്നാല് ഈ വിമാനം ഒരു കബളിപ്പിക്കല് തന്ത്രമായി (ഡെക്കോയ്) ഉപയോഗിക്കുക മാത്രമാണ് ചെയ്തത്. അതേസമയം ട്രംപിനെ മറ്റൊരു വിമാനത്തിലേക്ക് രഹസ്യമായി മാറ്റുകയായിരുന്നു.
പ്രസിഡന്റിന്റെ വിമാനത്തിന് നേരെ മിസൈല് ആക്രമണ സാധ്യതയുള്പ്പെടെയുള്ള വിശ്വസനീയമായ ഇറാനിയന് ഭീഷണി രഹസ്യാന്വേഷണ വിഭാഗം തിരിച്ചറിഞ്ഞിരുന്നതായി യു.എസ് ഉദ്യോഗസ്ഥര് നേരത്തെ വ്യക്തമാക്കിയിരുന്നു. ഭീഷണിയെക്കുറിച്ച് താന് കൂടുതല് വിവരങ്ങള് ചോദിച്ചറിഞ്ഞിട്ടില്ലെന്ന് ട്രംപ് പറഞ്ഞു.
ഫോട്ടോ: 2026 ജൂലൈ 8ന് തുര്ക്കിയിലെ അങ്കാറ അന്താരാഷ്ട്ര വിമാനത്താവളത്തില് നടന്ന നാറ്റോ ഉച്ചകോടിക്ക് ശേഷം മടങ്ങാനായി യു.എസ് പ്രസിഡന്റ് ഡൊണാള്ഡ് ട്രംപുമായി എത്തിയ വാഹനവ്യൂഹം എയര്ഫോഴ്സ് വണ്ണിന് സമീപം ടര്മാക്കില് എത്തുമ്പോള്, അവിടെ കാറ്ററിംഗ് ട്രക്കുകള് നിര്ത്തിയിട്ടിരിക്കുന്നു.
Related News
