റിയാദ്: സൗദിയിലെ പുതിയ ഇന്ത്യന് അംബാസഡറായി വിപുല് നിയമിതയായി. നിലവില് ഖത്തറിലെ ഇന്ത്യന് അംബാസിഡറാണ്. നിലവിലെ സൗദി അംബാസഡറായ സുഹൈല് അജാസ് ഖാന് സ്ഥാനമൊഴിയുന്നതോടെ വിപുല് ചുമതലയേല്ക്കും. മൂന്ന് വര്ഷത്തേക്കാണ് നിയമനം.
മധ്യപ്രദേശ് സ്വദേശിയായ ഡോ. സുഹൈല് അജാസ് ഖാനാണ് 2023 മുതല് റിയാദ് എംബസിയിലെ ഇന്ത്യന് അംബാസിഡര്. ഇദ്ദേഹം മൂന്നു വര്ഷ കാലാവധി പൂര്ത്തിയാക്കി സ്ഥാനമൊഴിയുന്ന ഒഴിവിലേക്കാണ് പുതിയ നിയമനം. ഈ സാഹചര്യത്തില് ഇന്ത്യന് വിദേശകാര്യ മന്ത്രാലയം ചൊവ്വാഴ്ച വൈകിട്ടാണ് പുതിയ ഇന്ത്യന് അംബാസഡറെ പ്രഖ്യാപിച്ചത്.
1998 ബാച്ച് ഐ.എഫ്.എസ് ഉദ്യോഗസ്ഥനായ വിപുല് ബീഹാര് സ്വദേശിയാണ്. ഈജിപ്ത്, ശ്രീലങ്ക, ജനീവ, ദുബായ് എന്നിവിടങ്ങളിലെ ഇന്ത്യന് മിഷനുകളില് സേവനമനുഷ്ഠിച്ചിട്ടുണ്ട്. 2014 മുതല് 2017 വരെയുള്ള കാലയളവില് ഇന്ത്യന് വിദേശകാര്യ മന്ത്രിയുടെ ഡയറക്ടര്, ജോയിന്റ് സെക്രട്ടറി പദവികളും അലങ്കരിച്ചിട്ടുണ്ട്..
Related News
