ന്യൂഡല്ഹി: കോണ്ഗ്രസ് അധ്യക്ഷന് മല്ലികാര്ജുന് ഖര്ഗെയെ വീണ്ടും രാജ്യസഭയിലേക്ക് പരിഗണിച്ചു. കര്ണാടകയില് നിന്നാണ് അദ്ദേഹം മത്സരിക്കുന്നത്. ഖര്ഗെയ്ക്കൊപ്പം പവന് ഖേര, മന്സൂര് അലി ഖാന് എന്നിവരും കര്ണാടകയില് നിന്ന് ജനവിധി തേടും. വിവിധ സംസ്ഥാനങ്ങളിലെ സ്ഥാനാര്ത്ഥികളെയും കോണ്ഗ്രസ് പ്രഖ്യാപിച്ചു: മധ്യപ്രദേശ്: മീനാക്ഷി നടരാജന്, രാജസ്ഥാന്: നീരജ് ധങ്കി, തമിഴ്നാട്: പ്രവീണ് ചക്രവര്ത്തി, ജാര്ഖണ്ഡ്: പ്രണവ് ഝാ.
അതേസമയം, രാജ്യസഭാ സ്ഥാനാര്ത്ഥികളെ പ്രഖ്യാപിച്ച ബിജെപി നേതൃത്വം പ്രമുഖരായ ചില നേതാക്കളെ ഒഴിവാക്കി. കേന്ദ്ര സഹമന്ത്രി ജോര്ജ് കുര്യനും മറ്റൊരു കേന്ദ്രമന്ത്രിയായ രവിനീത് സിങ് ബിട്ടുവും പട്ടികയില് ഇടംപിടിച്ചില്ല. ഈ മാസം 21-ന് കാലാവധി അവസാനിക്കുന്ന ജോര്ജ് കുര്യന് കാഞ്ഞിരപ്പള്ളിയില് നിന്ന് നിയമസഭയിലേക്ക് മത്സരിച്ചിരുന്നു. വരാനിരിക്കുന്ന കേന്ദ്ര മന്ത്രിസഭാ പുനഃസംഘടനയില് അദ്ദേഹത്തെ ഒഴിവാക്കിയേക്കുമെന്ന അഭ്യൂഹങ്ങള്ക്കിടെയാണ് ഈ തീരുമാനം.
ബിജെപി പ്രഖ്യാപിച്ച മറ്റ് പ്രധാന സ്ഥാനാര്ത്ഥികള്: മധ്യപ്രദേശ്: തരുണ് ചുഗ്, രജനീഷ് അഗര്വാള്, രാജസ്ഥാന്: സതീഷ് പൂനിയ, അരുണാചല് പ്രദേശ്: തായ് തഗക്ക്, ഗുജറാത്ത്: രജുഭായ് ശുക്ല, മുകേഷ് ഭായ് റത്ത്വ, മന്സിങ് പര്മര്, ജിതേന്ദ്ര മേഘ്ജിഭായ് കന്സരിയ, മണിപ്പൂര്: എ. ശാരദ ദേവി
ഈ തിരഞ്ഞെടുപ്പിലൂടെ പാര്ലമെന്റിലെ സഭാംഗങ്ങളുടെ പട്ടികയില് വലിയ അഴിച്ചുപണികള്ക്കാണ് ഇരു പാര്ട്ടികളും തുടക്കം കുറിച്ചിരിക്കുന്നത്.
Related News
