ജിദ്ദ: മഹല്ലില് നിന്നും ഹജ്ജിന് എത്തിയ ഹാജിമാര്ക്ക് ജിദ്ദ അരീക്കുളം പ്രവാസി കൂട്ടായ്മ സ്വീകരണം നല്കി. ദുബായില് നിന്നെത്തിയ വ്യവസായി അലവിക്കുട്ടി പുല്ലമ്പലവന്, സാമൂഹ്യ പ്രവര്ത്തകനും പ്രമുഖ ടൂര് ഓപ്പറേറ്ററുമായ സോഷ്യല് അസീസ് തുടങ്ങിയവര് തങ്ങളുടെ ഹജ്ജ് അനുഭവങ്ങള് പങ്കുവെച്ചു.
അത്യാധുനിക ഡിജിറ്റല്, എഐ സാങ്കേതിക വിദ്യകള് ഉപയോഗപ്പെടുത്തി ഹജ്ജ് കര്മ്മങ്ങള് കുറ്റമറ്റതാക്കാന് സൗദി അധികൃതര് നടത്തിയ പരിശ്രമങ്ങളെ പരിപാടിയില് പങ്കെടുത്തവര് മുക്തകണ്ഡം പ്രശംസിച്ചു.
ഖാലിദ് ബിന് വലീദ് സജാ പാര്ക്കില് നടന്ന ചടങ്ങില് കൂട്ടായ്മ പ്രസിഡന്റ് നൗഷാദ് അലി അധ്യക്ഷത വഹിച്ചു. നാസര് പുല്ലമ്പലവന്, വേങ്ങര നാസര്, ഇഖ്ബാല് പുല്ലമ്പലവന്, സി.ടി. ആബിദ്, ജരീര് വേങ്ങര, സി.ടി. റാഷിദ്, സിറാജ് പുഴച്ചാല്, കുന്നന് ഹനീഫ എന്നിവര് പരിപാടികള്ക്ക് നേതൃത്വം നല്കി.
.jpg)
Related News
