.jpg)
ഹഫര് അല് ബാത്തിന്: സൗദി അറേബ്യയിലെ ഹഫര് അല് ബാത്തിന് ആശുപത്രിയില് ചികിത്സയിലിലിക്കെ മരമണടഞ്ഞ തെലങ്കാന സ്വദേശി യൂസുഫ് മുഹമ്മദിന്റെ (46) നാട്ടിലെത്തിച്ച് ഖബറടക്കി. ഹഫര് അല് ബാത്തിന് സനയ്യയിലെ ഒരു സ്പെയര് പാര്ട്സ് സ്ഥാപനത്തില് ദീര്ഘകാലമായി ജോലി ചെയ്തു വരികയായിരുന്നു യൂസഫ്. കടുത്ത വയറുവേദനയും ഛര്ദ്ദിയും അനുഭവപ്പെട്ടതിനെ തുടര്ന്ന് ഹഫര് അല് ബാത്തിനിലെ ആശുപത്രിയില് പ്രവേശിപ്പിക്കുകയായിരുന്നു. പരിശോധനയില് ഗുരുതരമായ ആരോഗ്യപ്രശ്നങ്ങള് കണ്ടെത്തിയതിനെ തുടര്ന്ന് അടിയന്തര ശസ്ത്രക്രിയ നടത്തിയെങ്കിലും ജീവന് രക്ഷിക്കാനായില്ല.
മരണാനന്തര നടപടികള് പൂര്ത്തിയാക്കുന്നതിനായി ഇന്ത്യന് എംബസിയുടെ സഹകരണത്തോടെ ഒഐസിസി പ്രസിഡന്റ് വിബിന് മറ്റത്താണ് ആവശ്യമായ നിയമനടപടികള് ഏകോപിപ്പിച്ചത്. തുടര്ന്ന് മൃതദേഹം വിമാനമാര്ഗം ഹൈദരാബാദ് അന്താരാഷ്ട്ര വിമാനത്താവളത്തിലെത്തിച്ചു. ബന്ധുക്കള് ഏറ്റുവാങ്ങിയ മൃതദേഹം സ്വദേശത്ത് എത്തിച്ച് സംസ്കരിച്ചു.
ഭാര്യ: സഫിയ ബീഗം.. മക്കള്: സിത്താര, മുഹമ്മദ് അഫാഖ്, ശിഫ ഫാത്തിമ, മുഹമ്മദ് അസാദ്.
.jpg)
Related News
