തിരുവനന്തപുരം- അടുത്തിടെയുണ്ടായ തെരഞ്ഞെടുപ്പ് തോല്വിക്ക് പിന്നാലെ സി.പി.എമ്മില് കടുത്ത ആഭ്യന്തര തിരുത്തല് നടപടികള്ക്ക് സംസ്ഥാന കമ്മിറ്റി തുടക്കമിട്ടു. കേവലം കുറ്റസമ്മതത്തില് ഒതുക്കാതെ, സംസ്ഥാന സെക്രട്ടറിയേറ്റ് തയ്യാറാക്കിയ റിപ്പോര്ട്ടില് സംസ്ഥാന കമ്മിറ്റിയുടെ കര്ശന ഇടപെടലിലൂടെ മൂന്നിടങ്ങളിലാണ് തിരുത്തല് വരുത്തിയത്.
സ്വര്ണ്ണക്കൊള്ള കേസില് പ്രതിയാക്കപ്പെട്ട എ. പത്മകുമാറിനെതിരെ കര്ശന നടപടി സ്വീകരിക്കാന് പത്തനംതിട്ട ജില്ലാ കമ്മിറ്റിയെ ചുമതലപ്പെടുത്തി. സെക്രട്ടറിയേറ്റ് റിപ്പോര്ട്ടില് ഈ വിഷയം മയപ്പെടുത്താന് ശ്രമിച്ചെങ്കിലും സംസ്ഥാന കമ്മിറ്റി അതിനെ ശക്തമായി എതിര്ക്കുകയായിരുന്നു.
മണ്ഡലം കമ്മിറ്റിയിലെ 73 പേരില് 70 പേരും എതിര്ത്തതായിരുന്നു പി.കെ. ശ്യാമളയുടെ സ്ഥാനാര്ത്ഥിത്വം. എന്നിട്ടും അവരെ സ്ഥാനാര്ത്ഥിയാക്കിയതില് വലിയ വീഴ്ച പറ്റിയെന്ന് നേതൃത്വത്തിന് സംസ്ഥാന കമ്മിറ്റിയില് ഏറ്റുപറയേണ്ടി വന്നു.
പാര്ട്ടിക്ക് ജനങ്ങളില് നിന്നുള്ള അഭിപ്രായങ്ങള് കേള്ക്കാനായി തുടങ്ങിയ 'പുതുവഴികള്' ഇമെയില്, വാട്സ്ആപ്പ് സംവിധാനങ്ങളിലേക്ക് രണ്ട് ദിവസം കൊണ്ട് ആയിരക്കണക്കിന് സന്ദേശങ്ങളാണ് എത്തിയത്. എന്നാല്, നേതൃത്വത്തിനെതിരെയുള്ള വിമര്ശനങ്ങള് വഴിതിരിച്ചുവിടാനാണ് ഈ നീക്കമെന്ന് ടി.കെ. ഗോവിന്ദന് എം.എല്.എ വിമര്ശിച്ചു.
Related News
