തിരൂരങ്ങാടി: അധികാരമേറ്റ യു.ഡി.എഫ് സര്ക്കാരില് ഏറെ പ്രതീക്ഷയുണ്ടെന്നും, പ്രവാസ സൗഹൃദ ജനകീയ സര്ക്കാര് അധികാരത്തിലുണ്ടെന്ന പ്രവാസി കുടുംബങ്ങളുടെ വിശ്വാസം നിലനിര്ത്തി മുന്നോട്ടുപോകാന് സര്ക്കാരിന് സാധിക്കുമെന്നും പ്രവാസി ലീഗ് തിരൂരങ്ങാടി മണ്ഡലം പ്രതിനിധി സമ്മേളനം വിലയിരുത്തി. സംസ്ഥാന പ്രവാസി ലീഗ് മുന്നണി നേതൃത്വത്തിനും സര്ക്കാരിനും സമര്പ്പിച്ച അവകാശരേഖയിലെ ആവശ്യങ്ങള് സമയബന്ധിതമായി നടപ്പാക്കുമെന്ന് മുഖ്യമന്ത്രി ഉറപ്പുനല്കിയിട്ടുണ്ടെന്ന് യോഗം ചൂണ്ടിക്കാട്ടി.
തിരൂരങ്ങാടി മണ്ഡലം മുസ്ലിം ലീഗ് ഓഫീസില് ചേര്ന്ന സമ്മേളനം സംസ്ഥാന വൈസ് പ്രസിഡന്റ് പി.എം.എ. ജലീല് ഉദ്ഘാടനം ചെയ്തു. മണ്ഡലം പ്രസിഡന്റ് ജാഫര് കിഴക്കിനിയകത്ത് അധ്യക്ഷത വഹിച്ചു. ശനിയാഴ്ച മലപ്പുറത്ത് നടക്കുന്ന മെമ്പര്ഷിപ്പ് ക്യാമ്പയിന് ജില്ലാതല ഉദ്ഘാടനം വന് വിജയമാക്കാന് യോഗം തീരുമാനിച്ചു.
സി.ടി. നാസര്, ഇബ്രാഹിം തച്ചമ്മാട്, ഇസ്മായില് പൂഴിക്കല്, സത്താര് പെരുമണ്ണ, റഷീദ് ഏലായി, മുസ്തഫ കോണിയത്ത്, എം.വി. ഹബീബ് റഹ്മാന്, ലത്തീഫ് സി.വി., ഹംസ ചീരങ്ങന്, കുഞ്ഞിമോന് ക്ലാരി, എം.സി. ബാവ ഹാജി, എന്.എം. നൗഷാദ്, എം.എ. റഹീം, കുഞ്ഞിമുഹമ്മദ് മൗലവി, ഇസ്മായില് ഒടുങ്ങാട്ട്, സുബൈര് എം.വി., ഐ. മുഹമ്മദ് കുട്ടി, എന്.കെ. മുഹമ്മദ് കുട്ടി ഹാജി എന്നിവര് സംസാരിച്ചു.
Related News
