ജിദ്ദ: ഈ വര്ഷത്തെ ഹജ്ജ് സേവനത്തിന്റെ ഭാഗമായി ജിദ്ദ ഹജ്ജ് ടെര്മിനലിലും വിശുദ്ധ ഭൂമിയിലും സേവന പ്രവര്ത്തനങ്ങള് കാഴ്ചവെച്ച വനിതകള് ഉള്പ്പെടെയുള്ള അനാകിഷ് ഏരിയയിലെ ഹജ്ജ് വളണ്ടിയര്മാരെ അനാകിഷ് കെഎംസിസി ആദരിച്ചു.
അല്ലാഹുവിന്റെ അതിഥികളായ ഹാജിമാരെ സേവിക്കുന്ന കെഎംസിസി വളണ്ടിയര്മാരുടെ സേവനം വിലമതിക്കാനാവാത്തതാണെന്നും, വിശുദ്ധ ഭൂമിയില് രാപ്പകലില്ലാതെ സേവനം ചെയ്ത വളണ്ടിയര്മാര് അല്ലാഹുവിന്റെ പ്രീതി മാത്രമാണ് ആഗ്രഹിക്കേണ്ടതെന്നും ചടങ്ങില് മുഖ്യപ്രഭാഷണം നടത്തിയ പ്രശസ്ത പണ്ഡിതന് സിംസാറുല് ഹഖ് ഹുദവി പറഞ്ഞു.
അനാകിഷ് കെഎംസിസി പ്രസിഡന്റ് ബഷീര് കീഴിലത്തിന്റെ അധ്യക്ഷതയില് ചേര്ന്ന യോഗം ജിദ്ദ കെഎംസിസി സെന്ട്രല് കമ്മിറ്റി പ്രസിഡന്റ് അബൂബക്കര് അരിമ്പ്ര ഉദ്ഘാടനം ചെയ്തു. സൗദി നാഷണല് കെഎംസിസി ട്രഷറര് അഹമ്മദ് പാളയാട്ട്, ജനറല് സെക്രട്ടറി വി.പി. മുസ്തഫ, ട്രഷറര് വി.പി. അബ്ദുറഹ്മാന് വെള്ളിമാട് കുന്ന്, ഭാരവാഹികളായ ശിഹാബ് താമരക്കുളം, ഇസ്ഹാഖ് പൂണ്ടോളി, ഹസ്സന് ബത്തേരി, സാബില് മമ്പാട്, ലത്തീഫ് കളകാന്തിരി, സിറാജ് കണ്ണവം, ലത്തീഫ് വെള്ളമുണ്ട, ഷൗക്കത്ത് ഞാറക്കോടന്, അഷ്റഫ് മുല്ലപ്പള്ളി, സക്കരിയ ആറളം, അലി പാങ്ങാട്, സിദ്ദീഖ് ഓമാനൂര്, മുംതാസ് ടീച്ചര് എന്നിവര് വളണ്ടിയര്മാര്ക്ക് ഉപഹാരങ്ങള് സമര്പ്പിച്ചു.
ബഷീര് കുറ്റിക്കടവ് ഖിറാഅത്ത് നടത്തി. ഏരിയാ ജനറല് സെക്രട്ടറി എ.സി. മുജീബ് പാങ്ങ് സ്വാഗതവും ട്രഷറര് അബ്ദുല് ഫത്താഹ് താനൂര് നന്ദിയും പറഞ്ഞു. ബഷീര് കുറ്റിക്കടവ്, എം.എ. കോയ മൂന്നിയൂര്, ശരീഫ് തെന്നല, ബഷീര് ആഞ്ഞിലങ്ങാടി, ഫാരിസ് കോങ്ങാട്, ശരീഫ് അമല്, യാസര് അറാഫത്ത്, നാസര് എടപ്പറ്റ, സമീര് ചെമ്മംകടവ്, റഹ്മത്ത് അലി കൊണ്ടോട്ടി എന്നിവര് പരിപാടികള്ക്ക് നേതൃത്വം നല്കി.
.jpg)
