കോഴിക്കോട്: വിദേശ രാജ്യങ്ങളില് നിന്ന് ജോലി നഷ്ടപ്പെട്ട് തിരിച്ചെത്തുന്ന പ്രവാസികള്ക്കായി സമഗ്രമായ പുനരധിവാസ പദ്ധതിയും ആരോഗ്യ ഇന്ഷുറന്സ് പരിരക്ഷയും നടപ്പാക്കണമെന്ന് നാഷണല് പ്രവാസി ലീഗ് സംസ്ഥാന കമ്മിറ്റി സര്ക്കാറിനോട് ആവശ്യപ്പെട്ടു.
ഗള്ഫ് മേഖലയിലെ യുദ്ധഭീതിയും സാമ്പത്തിക പ്രതിസന്ധിയും കാരണം ജീവിതമാര്ഗ്ഗം നഷ്ടപ്പെട്ട് നിരവധി പേരാണ് നാട്ടിലേക്ക് മടങ്ങുന്നത്. ഇവര്ക്ക് ചെറുകിട സംരംഭങ്ങള് തുടങ്ങുന്നതിനായി കുടുംബശ്രീ മാതൃകയിലുള്ള പദ്ധതികള് ആവിഷ്കരിക്കണം. കൂടാതെ, പ്രവാസി പെന്ഷന് 5,000 രൂപയായി വര്ധിപ്പിക്കണമെന്നും ക്ഷേമനിധിയില് അംഗമാകുന്നതിന് നിശ്ചയിച്ചിട്ടുള്ള 60 വയസ്സ് എന്ന പ്രായപരിധി എടുത്തുമാറ്റണമെന്നും യോഗം ആവശ്യപ്പെട്ടു.
പ്രവാസി ക്ഷേമനിധിയിലെ പ്രായപരിധി കാരണം വലിയൊരു ശതമാനം പ്രവാസികള്ക്കും ഇതിന്റെ ആനുകൂല്യങ്ങള് ലഭിക്കുന്നില്ല. അതിനാല്, പ്രായഭേദമന്യേ മുഴുവന് പ്രവാസികള്ക്കും സര്ക്കാര് ആനുകൂല്യങ്ങള് ലഭ്യമാക്കുന്നതിന് പ്രായപരിധി ഒഴിവാക്കാനുള്ള അടിയന്തര നടപടികള് സ്വീകരിക്കണമെന്ന് യോഗം ആവശ്യപ്പെട്ടു.
കോഴിക്കോട് അരയിടത്തുപാലം വൈറ്റ് റസ്റ്റോറന്റ് ഹാളില് ചേര്ന്ന യോഗം സ്റ്റേറ്റ് കോ-ഓര്ഡിനേറ്ററും നാഷണല് ലീഗ് സ്റ്റേറ്റ് സെക്രട്ടേറിയറ്റ് അംഗവുമായ ജയിംസ് കാഞ്ഞിരത്തിങ്കല് ഉദ്ഘാടനം ചെയ്തു. സംസ്ഥാന പ്രസിഡന്റ് ബഷീര് ടി. അഹമ്മദ് ബേപ്പൂര് അധ്യക്ഷത വഹിച്ചു.
സിദ്ദീഖ് പെരിന്തല്മണ്ണ, സലീം പാടത്ത്, റാഫി ഫറോക്ക്, മൂസ മലയില്, നിഷാല് തറയങ്ങല് എന്നിവര് പ്രസംഗിച്ചു. ജനറല് സെക്രട്ടറി ബി. കെ. സാലിം ബേക്കല് സ്വാഗതവും ജാഫര് മേടപ്പില് നന്ദിയും പറഞ്ഞു.
Related News
