ജിദ്ദ: കഴിഞ്ഞ ദിവസം പാണക്കാട് വെച്ച് മുസ്ലിം ലീഗ് അംഗത്വം സ്വീകരിച്ച് ജിദ്ദയിലെത്തിയ പ്രമുഖ ജീവകാരുണ്യ പ്രവര്‍ത്തകനും വ്യവസായിയുമായ കെ.പി. സുലൈമാന്‍ ഹാജിക്ക് ജിദ്ദ വിമാനത്താവളത്തില്‍ കൊണ്ടോട്ടി മണ്ഡലം കെ.എം.സി.സി. സ്വീകരണം നല്‍കി. മുന്‍പ് ഇടതുപക്ഷ സഹയാത്രികനും കൊണ്ടോട്ടിയിലെ ഇടതുപക്ഷ സ്ഥാനാര്‍ത്ഥിയുമായിരുന്ന അദ്ദേഹം അടുത്തിടെയാണ് മുസ്ലിം ലീഗില്‍ ചേര്‍ന്നത്.

കൊണ്ടോട്ടി മണ്ഡലം കെ.എം.സി.സി. ചെയര്‍മാന്‍ കെ.പി. അബ്ദുറഹ്‌മാന്‍, ജനറല്‍ സെക്രട്ടറി അന്‍വര്‍ വെട്ടുപ്പാറ, ട്രഷറര്‍ എം.എം. മുജീബ്, ഭാരവാഹികളായ ശറഫു വാഴക്കാട്, യാസര്‍ മാസ്റ്റര്‍ എന്നിവര്‍ സ്വീകരണത്തിന് നേതൃത്വം നല്‍കി.