റിയാദ്: സൗദി അറേബ്യയുടെ തലസ്ഥാനമായ റിയാദിലെ ദാര് അല് ബൈദയിലുണ്ടായ തീപിടുത്തത്തില് ഗര്ഭിണിയായ സുഡാനി യുവതിയും നാല് മക്കളും ദാരുണമായി മരിച്ചു. ഒന്പത് മാസം ഗര്ഭിണിയായിരുന്ന യുവതിയും ഇവരുടെ രണ്ട് ആണ്മക്കളും രണ്ട് പെണ്മക്കളുമാണ് മരിച്ചത്. തീപിടുത്തത്തെ തുടര്ന്നുണ്ടായ പുക ശ്വസിച്ചാണ് മരണം സംഭവിച്ചതെന്ന് പറയുന്നു.
റിയാദിന്റെ തെക്കന് ഭാഗത്തുള്ള അല് അസീസിയ്യ ജില്ലയില് സ്ഥിതി ചെയ്യുന്ന പഴയ റെസിഡന്ഷ്യല് ഏരിയകളിലൊന്നാണ് ദാര് അല് ബൈദ. ഇവിടെയുള്ള ഇവരുടെ വസതിയിലാണ് അപകടം നടന്നത്. സോഷ്യല് മീഡിയ പ്ലാറ്റ്ഫോമുകളിലൂടെ നിരവധിപേര് കുടുംബത്തിന് ആദരാഞ്ജലികള് അര്പ്പിച്ചു.
Related News
