l o a d i n g

ഗൾഫ്

റിസ അന്താരാഷ്ട്ര പ്രസംഗ മത്സരം: വിജയികളെ പ്രഖ്യാപിച്ചു

Thumbnail
Publisher By     പ്രവാസി പത്രം സ്റ്റാഫ്
June 23, 2026

റിയാദ്: സുബൈര്‍കുഞ്ഞ് ഫൗണ്ടേഷന്റെ ലഹരിവിരുദ്ധ കൂട്ടായ്മയായ 'റിസ' (RISA), ലോക പുകയില വിരുദ്ധ ദിനാചരണത്തിന്റെ ഭാഗമായി സംഘടിപ്പിച്ച അന്താരാഷ്ട്ര പ്രസംഗ മത്സരത്തിലെ വിജയികളെ പ്രഖ്യാപിച്ചു. 'നൂതന വിപണന തന്ത്രങ്ങളെ ചെറുക്കുക! നിക്കോട്ടിന്‍/പുകയില ആസക്തി തടയുക!' എന്ന വിഷയത്തില്‍ നടത്തിയ മത്സരത്തില്‍ വിവിധ രാജ്യങ്ങളില്‍ നിന്നുമായി മലയാളം, ഇംഗ്ലീഷ് വിഭാഗങ്ങളിലായി ഇരുന്നൂറോളം വിദ്യാര്‍ത്ഥികളാണ് പങ്കെടുത്തത്. പ്രാഥമിക സ്‌ക്രീനിംഗിലൂടെ മലയാളം വിഭാഗത്തില്‍ 15 പേരെയും, ഇംഗ്ലീഷ് വിഭാഗത്തില്‍ എന്‍ട്രികളുടെ എണ്ണം കൂടുതലായതിനാല്‍ രണ്ട് ക്ലസ്റ്ററുകളിലായി 30 പേരെയും ഫൈനല്‍ റൗണ്ടിലേക്ക് തിരഞ്ഞെടുത്തു.

സുബൈര്‍കുഞ്ഞിന്റെ ഓര്‍മ്മദിനമായ ജൂണ്‍ 17-ന് ഫൗണ്ടേഷന്‍ ചെയര്‍മാന്റെ അധ്യക്ഷതയില്‍ ചേര്‍ന്ന ഓണ്‍ലൈന്‍ യോഗത്തില്‍, കേരളത്തിലെ മുന്‍ ഡി.ജി.പിയും പ്രമുഖ ലഹരിവിരുദ്ധ പ്രവര്‍ത്തകനുമായ ഋഷിരാജ് സിംഗ് ഐ.പി.എസ് വിജയികളെ പ്രഖ്യാപിച്ചു. 2019-ല്‍ റിയാദില്‍ വെച്ച് കുട്ടികളുമായി താന്‍ സംവദിച്ച അനുഭവങ്ങള്‍ അനുസ്മരിച്ച അദ്ദേഹം, റിസയുടെ പ്രവര്‍ത്തനങ്ങളെ പ്രശംസിച്ചു. കേരള ചീഫ് സെക്രട്ടറി ഡോ. എ. ജയതിലക് ഐ.എ.എസ് പരിപാടി ഉദ്ഘാടനം ചെയ്തു. സംസ്ഥാന ലഹരി നിര്‍മാര്‍ജന പദ്ധതിയായ 'തുഫാന്‍'മായി സഹകരിച്ച് റിസയുടെ പ്രവര്‍ത്തനങ്ങള്‍ നാടിന് പ്രയോജനപ്പെടുത്തണമെന്ന് അദ്ദേഹം നിര്‍ദ്ദേശിച്ചു.

അനുസ്മരണ കമ്മിറ്റി ചെയര്‍മാന്‍ എന്‍. അബ്ദുല്‍ ബഷീര്‍ സുബൈര്‍കുഞ്ഞ് അനുസ്മരണ പ്രഭാഷണം നടത്തി. സ്വാതന്ത്ര്യാനന്തര കാലഘട്ടത്തില്‍ പ്രാദേശികമായി നിലനിന്നിരുന്ന ജാതി വിവേചനങ്ങള്‍ക്കെതിരെ സുബൈര്‍കുഞ്ഞ് നടത്തിയ പോരാട്ടങ്ങളെ അദ്ദേഹം അനുസ്മരിച്ചു. സ്‌കൂള്‍ ആക്ടിവിറ്റി കണ്‍വീനര്‍ മീര റഹ്‌മാന്‍ റിസയുടെ വിവിധ പ്രവര്‍ത്തനങ്ങള്‍ സംക്ഷിപ്തമായി വിവരിച്ചു.

മത്സര വിജയികള്‍:

മലയാളം വിഭാഗം: ജ്ഞാനശ്രീ പ്രഭു (ടി.ഡി.എച്ച്.എസ്, തുറവൂര്‍ - ഒന്നാം സ്ഥാനം), ഐഷ ഇബ്രാഹിം (ഡി.പി.എസ്, അജ്മാന്‍ - രണ്ടാം സ്ഥാനം), ഐമ അറഫാത്ത് (ഡി.പി.എസ്, അജ്മാന്‍ - മൂന്നാം സ്ഥാനം).

ഇംഗ്ലീഷ് വിഭാഗം (ക്ലസ്റ്റര്‍ 1 - ഗ്രേഡ് 10, 11, 12): റിദ അബ്ദുള്‍ റഹ്‌മാന്‍ (യാര ഇന്റര്‍നാഷണല്‍ സ്‌കൂള്‍, റിയാദ് - ഒന്നാം സ്ഥാനം), അസ ഷാജിദ് (ബെഞ്ച് മാര്‍ക്ക് ഇന്റര്‍നാഷണല്‍ സ്‌കൂള്‍, മഞ്ചേരി - രണ്ടാം സ്ഥാനം), റയാന്‍ ടോം ബോബി (യുണൈറ്റഡ് ഇന്ത്യന്‍ സ്‌കൂള്‍, കുവൈത്ത് - മൂന്നാം സ്ഥാനം).

ഇംഗ്ലീഷ് വിഭാഗം (ക്ലസ്റ്റര്‍ 2 - ഗ്രേഡ് 8, 9): ഗുണിക കൗള്‍ (ഇന്റര്‍നാഷണല്‍ ഇന്ത്യന്‍ സ്‌കൂള്‍, ദമാം - ഒന്നാം സ്ഥാനം), റന ഐഷ (ബെഞ്ച് മാര്‍ക്ക് ഇന്റര്‍നാഷണല്‍ സ്‌കൂള്‍, മഞ്ചേരി - രണ്ടാം സ്ഥാനം), സോന ഹന്ന സഞ്ജു (യാര ഇന്റര്‍നാഷണല്‍ സ്‌കൂള്‍, റിയാദ് - മൂന്നാം സ്ഥാനം).

വിജയികള്‍ക്ക് സുബൈര്‍കുഞ്ഞ് സ്മാരക ക്യാഷ് അവാര്‍ഡും അച്ചീവ്‌മെന്റ് സര്‍ട്ടിഫിക്കറ്റും ലഭിക്കും.

ലംഹ നിഷാന്‍ ലഹരിക്കെതിരായ ഖുര്‍ആന്‍ സൂക്തങ്ങള്‍ ഉള്‍പ്പെടുത്തിയ പ്രാര്‍ത്ഥനയോടെയാണ് പരിപാടി ആരംഭിച്ചത്. ജഡ്ജിമാരായ ടോമി ചെറിയന്‍, പി.കെ. സലാം, അതുല്യ എന്നിവരും റിസ കണ്‍സള്‍ട്ടന്റ് ഡോ. എ.വി. ഭരതന്‍, ജോര്‍ജ് കുട്ടി മക്കുളത്ത് എന്നിവരും ആശംസകള്‍ നേര്‍ന്നു. മുന്‍ പുകവലിക്കാരിയായ ക്രിസ്റ്റ്യാന (ഗ്രീസ് പൗര), പുകവലി ഉപേക്ഷിച്ച ശേഷമുള്ള തന്റെ അനുഭവങ്ങള്‍ പങ്കുവെച്ചത് ശ്രദ്ധേയമായി. പത്മിനി യു. നായര്‍ സ്വാഗതവും, റിസ കേരള സ്റ്റേറ്റ് കോര്‍ഡിനേറ്റര്‍ കരുണാകരന്‍ പിള്ള നന്ദിയും രേഖപ്പെടുത്തി.

ഡോ. തമ്പി വേലപ്പന്‍, ഡോ. രാജു വര്‍ഗീസ്, സനൂപ് അഹമ്മദ്, ജഹീര്‍ ബഷീര്‍, സെയിന്‍ അബ്ദുള്‍ അസീസ്, റയാന്‍, ഷിഫ അബ്ദുല്‍ അസീസ് എന്നിവരും പരിപാടിക്ക് നേതൃത്വം നല്‍കി. മത്സരത്തില്‍ പങ്കെടുത്ത എല്ലാ കുട്ടികള്‍ക്കുമുള്ള സര്‍ട്ടിഫിക്കറ്റുകള്‍ ഫൗണ്ടേഷന്റെ വെബ്‌സൈറ്റില്‍ നിന്നും ഡൗണ്‍ലോഡ് ചെയ്യാവുന്നതാണ്. പങ്കെടുത്ത കുട്ടികള്‍ക്കായി 'റിസ-ടാഗ്' ലഹരിവിരുദ്ധ പ്ലാറ്റ്ഫോമില്‍ അംഗത്വത്തിനായുള്ള പരിശീലനം നല്‍കുമെന്നും, ജൂണ്‍ 25 മുതല്‍ 30 വരെ വിവിധ രാജ്യങ്ങളില്‍ പതിനൊന്നാമത് ലഹരിവിരുദ്ധ പ്രതിജ്ഞാ ക്യാമ്പയിന്‍ സംഘടിപ്പിക്കുമെന്നും റിസ കണ്‍വീനര്‍ ഡോ. അബ്ദുല്‍ അസീസ്, പ്രോഗ്രാം കണ്‍സള്‍ട്ടന്റ് ഡോ. എ.വി. ഭരതന്‍ എന്നിവര്‍ അറിയിച്ചു.

Latest News

 സന്ദര്‍ശിക്കേണ്ട 20 സ്ഥലങ്ങള്‍, ബി.ബി.സി ലിസ്റ്റില്‍ അബുദാബി ആദ്യം
സന്ദര്‍ശിക്കേണ്ട 20 സ്ഥലങ്ങള്‍, ബി.ബി.സി ലിസ്റ്റില്‍ അബുദാബി ആദ്യം
November 16, 2026
ജിദ്ദ അങ്ങാടിപ്പുറം പഞ്ചായത്ത് കെ.എം.സി.സി പ്രവര്‍ത്തന സംഗമവും കമ്മിറ്റി പുനഃസംഘടനയും നടന്നു
ജിദ്ദ അങ്ങാടിപ്പുറം പഞ്ചായത്ത് കെ.എം.സി.സി പ്രവര്‍ത്തന സംഗമവും കമ്മിറ്റി പുനഃസംഘടനയും നടന്നു
November 16, 2026
എം.ജി.എം വനിതാ സംഗമം സംഘടിപ്പിച്ചു
എം.ജി.എം വനിതാ സംഗമം സംഘടിപ്പിച്ചു
November 16, 2026
 അന്താരാഷ്ട്ര കപ്പല്‍ ഗതാഗതത്തിനു ഭീഷണി ഇയര്‍ത്തി ബാബ് അല്‍-മന്ദബ് കടലിടുക്ക് പിടിച്ചെടുക്കാന്‍ ഇറാന്‍-ഹൂതി ഗൂഢാലോചന
അന്താരാഷ്ട്ര കപ്പല്‍ ഗതാഗതത്തിനു ഭീഷണി ഇയര്‍ത്തി ബാബ് അല്‍-മന്ദബ് കടലിടുക്ക് പിടിച്ചെടുക്കാന്‍ ഇറാന്‍-ഹൂതി ഗൂഢാലോചന
November 16, 2026
സ്പാനിഷ് ജൈത്രയാത്രക്ക് അന്ത്യം, 10 പേരുമായി ഇംഗ്ലണ്ട് മാജിക്
സ്പാനിഷ് ജൈത്രയാത്രക്ക് അന്ത്യം, 10 പേരുമായി ഇംഗ്ലണ്ട് മാജിക്
November 16, 2026
കോ കേരളം: സഹകരണ  മേഖലയില്‍ പുതിയ വിമാനക്കമ്പനി
കോ കേരളം: സഹകരണ മേഖലയില്‍ പുതിയ വിമാനക്കമ്പനി
November 16, 2026
മൂന്നാം യുദ്ധക്കപ്പലും എത്തി, പശ്ചിമേഷ്യ മുള്‍മുനയില്‍
മൂന്നാം യുദ്ധക്കപ്പലും എത്തി, പശ്ചിമേഷ്യ മുള്‍മുനയില്‍
November 16, 2026
സോണിയയുടെ പുസ്തക  പ്രകാശനത്തിന് വിജയ്,  നേതാക്കളെ കാണും
സോണിയയുടെ പുസ്തക പ്രകാശനത്തിന് വിജയ്, നേതാക്കളെ കാണും
November 16, 2026
 ഒരേ കമ്പനിയില്‍ 44 വര്‍ഷം; മൊയ്തു പാട്ടുപാറയ്ക്ക് കനിവ് റിയാദിന്റെ സ്‌നേഹാദരം
ഒരേ കമ്പനിയില്‍ 44 വര്‍ഷം; മൊയ്തു പാട്ടുപാറയ്ക്ക് കനിവ് റിയാദിന്റെ സ്‌നേഹാദരം
November 15, 2026
 അപകടരഹിത കേരളത്തിനായി 'ജീവ സുയാത്ര'യ്ക്ക് തുടക്കം; സുരക്ഷിതമായ യാത്രാസംസ്‌കാരം വളര്‍ത്തിയെടുക്കാന്‍ കര്‍ശന നടപടികള്‍ സ്വീകരിക്കണമെന്ന് മുഖ്യമന്ത്രി
അപകടരഹിത കേരളത്തിനായി 'ജീവ സുയാത്ര'യ്ക്ക് തുടക്കം; സുരക്ഷിതമായ യാത്രാസംസ്‌കാരം വളര്‍ത്തിയെടുക്കാന്‍ കര്‍ശന നടപടികള്‍ സ്വീകരിക്കണമെന്ന് മുഖ്യമന്ത്രി
November 15, 2026