അല് കോബാര്: സൗദി ഇന്ത്യന് ഇസ്ലാഹി സെന്ററിന്റെ വനിതാ വിഭാഗമായ എം.ജി.എം അല് കോബാര് ഘടകത്തിന്റെ ആഭിമുഖ്യത്തില് 'ആദര്ശ വീഥിയിലെ പെണ്കരുത്ത്' എന്ന പ്രമേയത്തില് വനിതാ സംഗമം സംഘടിപ്പിച്ചു. നാല്പതിലേറെ വനിതകള് പങ്കെടുത്ത സംഗമം ശ്രദ്ധേയമായി.
കെ.എന്.എം മര്കസുദ്ദഅ്വയ്ക്ക് കീഴില് പ്രവര്ത്തിക്കുന്ന സൗദി ഇന്ത്യന് ഇസ്ലാഹി സെന്ററിന്റെ വനിതാ വിഭാഗമായ എം.ജി.എം ദേശീയതലത്തില് സംഘടിപ്പിക്കുന്ന മെമ്പര്ഷിപ്പ് കാമ്പയിന്റെ ഭാഗമായാണ് സംഗമം ഒരുക്കിയത്.
ഷദ സാദിഖിന് മെമ്പര്ഷിപ്പ് ഫോം കൈമാറി പരിപാടിയുടെ ഉദ്ഘാടനം നിര്വഹിച്ചു. പ്രമേയവിഷയത്തെ ആസ്പദമാക്കി ഇഖ്ബാല് സുല്ലമി ചെറുവാടി മുഖ്യപ്രഭാഷണം നടത്തി. ദീനീ മൂല്യങ്ങളും ഇസ്ലാമിക മര്യാദകളും ഉയര്ത്തിപ്പിടിച്ചുകൊണ്ട് സമൂഹത്തില് നന്മകള് പ്രചരിപ്പിക്കുന്നതിലും സാമൂഹിക പുരോഗതിയില് ക്രിയാത്മക പങ്കുവഹിക്കുന്നതിലും സ്ത്രീകള്ക്കുള്ള ഉത്തരവാദിത്വവും പങ്കും അദ്ദേഹം വിശദീകരിച്ചു.
നിസ്നി നജീബ്, ഷിറിന് ഉബൈദ്, ഫൗസിയ അന്സാര്, ജുമാന, അബി അഷ്റഫ് എന്നിവര് പരിപാടികള്ക്ക് നേതൃത്വം നല്കി.
സൗദി ഇന്ത്യന് ഇസ്ലാഹി സെന്റര് പ്രസിഡന്റ് അബ്ബാസ് പന്തലിങ്ങല്, ജനറല് സെക്രട്ടറി ഉബൈദ് കക്കോവ് എന്നിവരും സംഗമത്തില് സംബന്ധിച്ചു.
Related News