l o a d i n g

ബിസിനസ്

കോ കേരളം: സഹകരണ മേഖലയില്‍ പുതിയ വിമാനക്കമ്പനി

Thumbnail
Publisher By     പ്രവാസി പത്രം സ്റ്റാഫ്
November 16, 2026


കൊച്ചി: കേരളത്തിന്റെ സഹകരണ മേഖലയുടെ സാമ്പത്തികശേഷി പ്രയോജനപ്പെടുത്തി ആഭ്യന്തര വിമാന സര്‍വീസ് ആരംഭിക്കാന്‍ കോ കേരളം എയര്‍ലൈന്‍ ഒരുങ്ങുന്നു. കൊച്ചി ആസ്ഥാനമാക്കി ദക്ഷിണേന്ത്യയിലെ പ്രധാന നഗരങ്ങളെ ബന്ധിപ്പിക്കുന്ന ഹ്രസ്വദൂര സര്‍വീസുകളാണ് പദ്ധതിയുടെ ആദ്യഘട്ടത്തില്‍ ലക്ഷ്യമിടുന്നത്. സഹകരണ സ്ഥാപനങ്ങളുടെ പങ്കാളിത്തത്തോടെ ഒരു പ്രാദേശിക വിമാനക്കമ്പനി രൂപീകരിക്കാനുള്ള ഈ നീക്കം രാജ്യത്തെ വ്യോമയാന രംഗത്ത് പുതിയ പരീക്ഷണമായാണ് വിലയിരുത്തപ്പെടുന്നത്.

കേരളത്തില്‍ രജിസ്റ്റര്‍ ചെയ്തിട്ടുള്ള 16,000ത്തിലധികം സഹകരണ സംഘങ്ങളില്‍നിന്ന് സാമ്പത്തിക ശേഷിയുള്ള 200 സംഘങ്ങളെ പദ്ധതിയില്‍ പങ്കാളികളാക്കാനാണ് ഉദ്ദേശിക്കുന്നത്. ഓരോ സംഘവും രണ്ട് കോടി രൂപ വീതം ഓഹരി മൂലധനമായി നിക്ഷേപിക്കുന്നതിലൂടെ 400 കോടി രൂപ സമാഹരിക്കുകയാണ് ലക്ഷ്യം. പ്രവാസികളില്‍നിന്നും മറ്റ് നിക്ഷേപകരില്‍നിന്നും അധിക മൂലധനം കണ്ടെത്താനും പദ്ധതിയുണ്ട്. കേരള സിവില്‍ ഏവിയേഷന്‍ ഡെവലപ്‌മെന്റ് കോഓപ്പറേറ്റീവ് സൊസൈറ്റിയാണ് പദ്ധതിക്ക് നേതൃത്വം നല്‍കുന്നത്. സി.എന്‍. വിജയകൃഷ്ണനാണ് സൊസൈറ്റിയുടെ ചെയര്‍മാനും മുഖ്യ പ്രമോട്ടറും.

കൊച്ചിയില്‍നിന്ന് കോഴിക്കോട്, കണ്ണൂര്‍ എന്നിവിടങ്ങളിലേക്കും കര്‍ണാടകയിലെ മംഗളൂരു, ബെംഗളൂരു, തമിഴ്‌നാട്ടിലെ ചെന്നൈ, കോയമ്പത്തൂര്‍, മധുര തുടങ്ങിയ നഗരങ്ങളിലേക്കും സര്‍വീസ് നടത്താനാണ് പ്രാഥമിക പദ്ധതി. ടിക്കറ്റ് നിരക്ക് 3,500 മുതല്‍ 7,000 രൂപ വരെയായിരിക്കുമെന്നാണ് പ്രതീക്ഷ. അതിവേഗ ട്രെയിന്‍ യാത്രക്കാരെക്കൂടി ലക്ഷ്യമിടുന്ന കമ്പനി, തുടക്കത്തില്‍ രണ്ട് വിമാനങ്ങളുമായി പ്രവര്‍ത്തനം ആരംഭിച്ച് പിന്നീട് വിമാനങ്ങളുടെ എണ്ണം വര്‍ധിപ്പിക്കാനാണ് ഉദ്ദേശിക്കുന്നത്.

കേരളത്തിലെ നാല് അന്താരാഷ്ട്ര വിമാനത്താവളങ്ങള്‍, യാത്രക്കാരുടെ ഉയര്‍ന്ന സാന്ദ്രത, താരതമ്യേന കുറഞ്ഞ വ്യോമയാന ഇന്ധന നികുതി എന്നിവ പദ്ധതിക്ക് അനുകൂല ഘടകങ്ങളാണ്. പ്രാദേശിക വിമാനക്കമ്പനികള്‍ക്ക് വലിയ കമ്പനികളെ അപേക്ഷിച്ച് പ്രവര്‍ത്തനച്ചെലവ് കുറവായിരിക്കുമെന്നതും പ്രതീക്ഷ നല്‍കുന്നു.

എന്നാല്‍ വെല്ലുവിളികളും ചെറുതല്ല. വിമാനങ്ങള്‍ ലീസിന് ലഭിക്കുന്നതിനുള്ള ബുദ്ധിമുട്ട്, ഉയര്‍ന്ന വാടക, വ്യോമയാന മേഖലയിലെ വിദഗ്ധരുടെ അഭാവം, തുടക്കത്തിലെ സാമ്പത്തിക നഷ്ടം എന്നിവ മറികടക്കേണ്ടതുണ്ട്. രണ്ട് വിമാനങ്ങള്‍ മാത്രം ഉപയോഗിച്ചുള്ള പ്രവര്‍ത്തനം ദീര്‍ഘകാലാടിസ്ഥാനത്തില്‍ ലാഭകരമാകണമെന്നില്ലെന്നും കുറഞ്ഞത് ആറു വിമാനങ്ങളെങ്കിലും ആവശ്യമായി വരാമെന്നും വ്യോമയാന രംഗത്തെ വിദഗ്ധര്‍ ചൂണ്ടിക്കാട്ടുന്നു.

ഗോവ ആസ്ഥാനമായി പ്രവര്‍ത്തിക്കുന്ന പ്രാദേശിക വിമാനക്കമ്പനിയായ ഫ്‌ളൈ91ന്റെ വളര്‍ച്ച പദ്ധതിക്ക് മാതൃകയായി ചൂണ്ടിക്കാണിക്കപ്പെടുന്നുണ്ട്. എന്നാല്‍ സാമ്പത്തിക അടിത്തറ, പ്രൊഫഷണല്‍ നേതൃത്വം, പ്രവര്‍ത്തനക്ഷമത എന്നിവ ഉറപ്പാക്കിയാല്‍ മാത്രമേ കോ കേരളത്തിന് വിജയിക്കാനാകൂ. കേരളത്തിന്റെ സഹകരണ മാതൃകയ്ക്ക് വ്യോമയാന മേഖലയില്‍ പുതിയ അധ്യായം തുറക്കാനാകുമോ എന്നതാണ് ഇനി അറിയേണ്ടത്.

Latest News

 സന്ദര്‍ശിക്കേണ്ട 20 സ്ഥലങ്ങള്‍, ബി.ബി.സി ലിസ്റ്റില്‍ അബുദാബി ആദ്യം
സന്ദര്‍ശിക്കേണ്ട 20 സ്ഥലങ്ങള്‍, ബി.ബി.സി ലിസ്റ്റില്‍ അബുദാബി ആദ്യം
November 16, 2026
ജിദ്ദ അങ്ങാടിപ്പുറം പഞ്ചായത്ത് കെ.എം.സി.സി പ്രവര്‍ത്തന സംഗമവും കമ്മിറ്റി പുനഃസംഘടനയും നടന്നു
ജിദ്ദ അങ്ങാടിപ്പുറം പഞ്ചായത്ത് കെ.എം.സി.സി പ്രവര്‍ത്തന സംഗമവും കമ്മിറ്റി പുനഃസംഘടനയും നടന്നു
November 16, 2026
എം.ജി.എം വനിതാ സംഗമം സംഘടിപ്പിച്ചു
എം.ജി.എം വനിതാ സംഗമം സംഘടിപ്പിച്ചു
November 16, 2026
 അന്താരാഷ്ട്ര കപ്പല്‍ ഗതാഗതത്തിനു ഭീഷണി ഇയര്‍ത്തി ബാബ് അല്‍-മന്ദബ് കടലിടുക്ക് പിടിച്ചെടുക്കാന്‍ ഇറാന്‍-ഹൂതി ഗൂഢാലോചന
അന്താരാഷ്ട്ര കപ്പല്‍ ഗതാഗതത്തിനു ഭീഷണി ഇയര്‍ത്തി ബാബ് അല്‍-മന്ദബ് കടലിടുക്ക് പിടിച്ചെടുക്കാന്‍ ഇറാന്‍-ഹൂതി ഗൂഢാലോചന
November 16, 2026
സ്പാനിഷ് ജൈത്രയാത്രക്ക് അന്ത്യം, 10 പേരുമായി ഇംഗ്ലണ്ട് മാജിക്
സ്പാനിഷ് ജൈത്രയാത്രക്ക് അന്ത്യം, 10 പേരുമായി ഇംഗ്ലണ്ട് മാജിക്
November 16, 2026
കോ കേരളം: സഹകരണ  മേഖലയില്‍ പുതിയ വിമാനക്കമ്പനി
കോ കേരളം: സഹകരണ മേഖലയില്‍ പുതിയ വിമാനക്കമ്പനി
November 16, 2026
മൂന്നാം യുദ്ധക്കപ്പലും എത്തി, പശ്ചിമേഷ്യ മുള്‍മുനയില്‍
മൂന്നാം യുദ്ധക്കപ്പലും എത്തി, പശ്ചിമേഷ്യ മുള്‍മുനയില്‍
November 16, 2026
സോണിയയുടെ പുസ്തക  പ്രകാശനത്തിന് വിജയ്,  നേതാക്കളെ കാണും
സോണിയയുടെ പുസ്തക പ്രകാശനത്തിന് വിജയ്, നേതാക്കളെ കാണും
November 16, 2026
 ഒരേ കമ്പനിയില്‍ 44 വര്‍ഷം; മൊയ്തു പാട്ടുപാറയ്ക്ക് കനിവ് റിയാദിന്റെ സ്‌നേഹാദരം
ഒരേ കമ്പനിയില്‍ 44 വര്‍ഷം; മൊയ്തു പാട്ടുപാറയ്ക്ക് കനിവ് റിയാദിന്റെ സ്‌നേഹാദരം
November 15, 2026
 അപകടരഹിത കേരളത്തിനായി 'ജീവ സുയാത്ര'യ്ക്ക് തുടക്കം; സുരക്ഷിതമായ യാത്രാസംസ്‌കാരം വളര്‍ത്തിയെടുക്കാന്‍ കര്‍ശന നടപടികള്‍ സ്വീകരിക്കണമെന്ന് മുഖ്യമന്ത്രി
അപകടരഹിത കേരളത്തിനായി 'ജീവ സുയാത്ര'യ്ക്ക് തുടക്കം; സുരക്ഷിതമായ യാത്രാസംസ്‌കാരം വളര്‍ത്തിയെടുക്കാന്‍ കര്‍ശന നടപടികള്‍ സ്വീകരിക്കണമെന്ന് മുഖ്യമന്ത്രി
November 15, 2026