l o a d i n g

ഗൾഫ്

അന്താരാഷ്ട്ര കപ്പല്‍ ഗതാഗതത്തിനു ഭീഷണി ഇയര്‍ത്തി ബാബ് അല്‍-മന്ദബ് കടലിടുക്ക് പിടിച്ചെടുക്കാന്‍ ഇറാന്‍-ഹൂതി ഗൂഢാലോചന

Thumbnail
Publisher By     പ്രവാസി പത്രം സ്റ്റാഫ്
November 16, 2026

ചെങ്കടലിന്റെ സുരക്ഷയ്ക്കും അന്താരാഷ്ട്ര കപ്പല്‍ ഗതാഗതത്തിനും ഗുരുതരമായ ഭീഷണി ഉയര്‍ത്തിക്കൊണ്ട്, തന്ത്രപ്രധാനമായ ബാബ് അല്‍-മന്ദബ് കടലിടുക്കിന് (Bab al-Mandab Strait) സമീപമുള്ള പ്രദേശങ്ങളുടെ നിയന്ത്രണം തിരിച്ചുപിടിക്കാന്‍ ഇറാന്‍ റെവല്യൂഷണറി ഗാര്‍ഡും ഹൂതി മിലിഷ്യയും ചേര്‍ന്ന് നടത്തുന്ന ഗൂഢാലോചനയുടെ വിവരങ്ങള്‍ പുറത്ത്. ലോകത്തിലെ ഏറ്റവും പ്രധാനപ്പെട്ട വ്യാപാര പാതകളിലൊന്നിനെ സൈനിക സമ്മര്‍ദ്ദത്തിനുള്ള ആയുധമാക്കി മാറ്റാനാണ് നീക്കം. തെക്കുപടിഞ്ഞാറന്‍ യെമനില്‍ ഹൂതികളുടെ ഭാഗത്തുനിന്നുണ്ടാകുന്ന ആശങ്കാജനകമായ സൈനിക നീക്കങ്ങള്‍, നേരത്തെ പുറത്തുവന്ന രഹസ്യാന്വേഷണ റിപ്പോര്‍ട്ടുകളെ ശരിവെക്കുന്നതാണ്.

'ഷിബ ഇന്റലിജന്‍സ്' പുറത്തുവിട്ട രഹസ്യാന്വേഷണ വിവരങ്ങള്‍ പ്രകാരം, ലഹ്ജ്, തായിസ് ഗവര്‍ണറേറ്റുകളുടെ ചില ഭാഗങ്ങളില്‍ സര്‍ക്കാര്‍ സൈന്യത്തെ വളയാനും ബാബ് അല്‍-മന്ദബിന് അഭിമുഖമായുള്ള തന്ത്രപ്രധാന കേന്ദ്രങ്ങള്‍ തിരിച്ചുപിടിക്കാനുമുള്ള ഏകോപിത സൈനിക നീക്കങ്ങളാണ് ഹൂതികള്‍ ആസൂത്രണം ചെയ്യുന്നത്. അമേരിക്കന്‍ ആക്രമണങ്ങളെ ഭയക്കുന്ന ഇറാന്‍, അന്താരാഷ്ട്ര കപ്പല്‍ ഗതാഗതത്തിനായി ഈ കടലിടുക്ക് അടച്ചിടാനുള്ള സാധ്യതയും ഈ പദ്ധതിയിലുണ്ട്.

ആശങ്കാജനകമായ സൈനിക നീക്കങ്ങള്‍

ലഹ്ജ് ഗവര്‍ണറേറ്റിലെ അല്‍-ഹുവൈറാബ് മേഖലയില്‍ ഏറ്റുമുട്ടലുകള്‍ നടന്നതായുള്ള റിപ്പോര്‍ട്ടുകള്‍ക്കൊപ്പമാണ് ഈ നീക്കങ്ങളുണ്ടായത്. തെക്കുപടിഞ്ഞാറന്‍ തീരത്തേക്ക് തങ്ങളുടെ സൈനിക സ്വാധീനം വ്യാപിപ്പിക്കാനും സര്‍ക്കാര്‍ സൈന്യത്തിന്റെ വിതരണ ശൃംഖലകളെയും ബാബ് അല്‍-മന്ദബിന് സമീപമുള്ള താവളങ്ങളെയും ഭീഷണിപ്പെടുത്താനുമാണ് ഹൂതികള്‍ ശ്രമിക്കുന്നതെന്ന ആശങ്ക ശക്തമാണ്. കടലിടുക്കിന് സമീപമുള്ള സൈന്യം ഒറ്റപ്പെടാനുള്ള സാധ്യതയും, താത്കാലിക തലസ്ഥാനമായ ഏദന് നേരെ ഹൂതികള്‍ ഉയര്‍ത്തുന്ന വര്‍ദ്ധിച്ചുവരുന്ന ഭീഷണികളും കണക്കിലെടുക്കുമ്പോള്‍ ഖോര്‍ ഉമൈറ പ്രദേശം സൈനിക ഭൂപടത്തില്‍ അതീവ നിര്‍ണ്ണായകമായി മാറിയിരിക്കുകയാണ്.

അന്താരാഷ്ട്ര കപ്പല്‍ ഗതാഗതം സ്തംഭിച്ചേക്കാം

ചെങ്കടലിനെയും ഏദന്‍ ഉള്‍ക്കടലിനെയും തമ്മില്‍ ബന്ധിപ്പിക്കുന്ന ബാബ് അല്‍-മന്ദബ് കടലിടുക്ക് അന്താരാഷ്ട്ര സമുദ്രവ്യാപാരത്തിലെ സുപ്രധാന കണ്ണിയാണ്. കടലിടുക്കിന് സമീപമുള്ള പ്രദേശങ്ങളുടെ നിയന്ത്രണം ഹൂതി മിലിഷ്യ തിരിച്ചുപിടിച്ചാല്‍, വാണിജ്യ കപ്പലുകളെ ആക്രമിക്കാനുള്ള അവരുടെ ശേഷി വര്‍ദ്ധിക്കുകയും ചെങ്കടലിലെ കപ്പല്‍ ഗതാഗതം തടസ്സപ്പെടാനുള്ള സാധ്യത ഏറുകയും ചെയ്യും. ഇത് ആഗോള വിതരണ ശൃംഖലകളെയും കപ്പല്‍ ഗതാഗത, മറൈന്‍ ഇന്‍ഷുറന്‍സ് ചെലവുകളെയും സാരമായി ബാധിക്കും.

യെമന്‍ സൈന്യത്തിന്റെ നിലപാട്

ഈ ഭീഷണികളെ നേരിടുന്നതിനിടെ, ബാബ് അല്‍-മന്ദബും പടിഞ്ഞാറന്‍ തീരവും മോചിപ്പിക്കുന്നത് യെമന്‍ സൈന്യത്തിന്റെ അനിഷേധ്യമായ അവകാശമാണെന്ന് യെമന്‍ സായുധ സേനാ വക്താവ് കേണല്‍ മജീദ് അബ്ദുള്ള അല്‍-നുസൈലി വ്യക്തമാക്കി. സമുദ്ര സുരക്ഷയും അന്താരാഷ്ട്ര വ്യാപാരവും സംരക്ഷിക്കുന്നതില്‍ ഈ കടലിടുക്കിനുള്ള തന്ത്രപ്രധാനമായ പങ്ക് കണക്കിലെടുത്ത്, മോചന ശ്രമങ്ങളില്‍ അന്താരാഷ്ട്ര സമൂഹം തങ്ങളുടെ ഉത്തരവാദിത്തം നിര്‍വ്വഹിക്കണമെന്നും അദ്ദേഹം ആവശ്യപ്പെട്ടു. ഹൂതി മിലിഷ്യ ഉയര്‍ത്തുന്ന ഭീഷണി പൂര്‍ണ്ണമായും ഇല്ലാതാക്കുന്നതുവരെ 'ഓപ്പറേഷന്‍ ഫജ്ര്‍ അല്‍-യെമന്‍' തുടരുമെന്നും അദ്ദേഹം കൂട്ടിച്ചേര്‍ത്തു.

Latest News

 സന്ദര്‍ശിക്കേണ്ട 20 സ്ഥലങ്ങള്‍, ബി.ബി.സി ലിസ്റ്റില്‍ അബുദാബി ആദ്യം
സന്ദര്‍ശിക്കേണ്ട 20 സ്ഥലങ്ങള്‍, ബി.ബി.സി ലിസ്റ്റില്‍ അബുദാബി ആദ്യം
November 16, 2026
ജിദ്ദ അങ്ങാടിപ്പുറം പഞ്ചായത്ത് കെ.എം.സി.സി പ്രവര്‍ത്തന സംഗമവും കമ്മിറ്റി പുനഃസംഘടനയും നടന്നു
ജിദ്ദ അങ്ങാടിപ്പുറം പഞ്ചായത്ത് കെ.എം.സി.സി പ്രവര്‍ത്തന സംഗമവും കമ്മിറ്റി പുനഃസംഘടനയും നടന്നു
November 16, 2026
എം.ജി.എം വനിതാ സംഗമം സംഘടിപ്പിച്ചു
എം.ജി.എം വനിതാ സംഗമം സംഘടിപ്പിച്ചു
November 16, 2026
 അന്താരാഷ്ട്ര കപ്പല്‍ ഗതാഗതത്തിനു ഭീഷണി ഇയര്‍ത്തി ബാബ് അല്‍-മന്ദബ് കടലിടുക്ക് പിടിച്ചെടുക്കാന്‍ ഇറാന്‍-ഹൂതി ഗൂഢാലോചന
അന്താരാഷ്ട്ര കപ്പല്‍ ഗതാഗതത്തിനു ഭീഷണി ഇയര്‍ത്തി ബാബ് അല്‍-മന്ദബ് കടലിടുക്ക് പിടിച്ചെടുക്കാന്‍ ഇറാന്‍-ഹൂതി ഗൂഢാലോചന
November 16, 2026
സ്പാനിഷ് ജൈത്രയാത്രക്ക് അന്ത്യം, 10 പേരുമായി ഇംഗ്ലണ്ട് മാജിക്
സ്പാനിഷ് ജൈത്രയാത്രക്ക് അന്ത്യം, 10 പേരുമായി ഇംഗ്ലണ്ട് മാജിക്
November 16, 2026
കോ കേരളം: സഹകരണ  മേഖലയില്‍ പുതിയ വിമാനക്കമ്പനി
കോ കേരളം: സഹകരണ മേഖലയില്‍ പുതിയ വിമാനക്കമ്പനി
November 16, 2026
മൂന്നാം യുദ്ധക്കപ്പലും എത്തി, പശ്ചിമേഷ്യ മുള്‍മുനയില്‍
മൂന്നാം യുദ്ധക്കപ്പലും എത്തി, പശ്ചിമേഷ്യ മുള്‍മുനയില്‍
November 16, 2026
സോണിയയുടെ പുസ്തക  പ്രകാശനത്തിന് വിജയ്,  നേതാക്കളെ കാണും
സോണിയയുടെ പുസ്തക പ്രകാശനത്തിന് വിജയ്, നേതാക്കളെ കാണും
November 16, 2026
 ഒരേ കമ്പനിയില്‍ 44 വര്‍ഷം; മൊയ്തു പാട്ടുപാറയ്ക്ക് കനിവ് റിയാദിന്റെ സ്‌നേഹാദരം
ഒരേ കമ്പനിയില്‍ 44 വര്‍ഷം; മൊയ്തു പാട്ടുപാറയ്ക്ക് കനിവ് റിയാദിന്റെ സ്‌നേഹാദരം
November 15, 2026
 അപകടരഹിത കേരളത്തിനായി 'ജീവ സുയാത്ര'യ്ക്ക് തുടക്കം; സുരക്ഷിതമായ യാത്രാസംസ്‌കാരം വളര്‍ത്തിയെടുക്കാന്‍ കര്‍ശന നടപടികള്‍ സ്വീകരിക്കണമെന്ന് മുഖ്യമന്ത്രി
അപകടരഹിത കേരളത്തിനായി 'ജീവ സുയാത്ര'യ്ക്ക് തുടക്കം; സുരക്ഷിതമായ യാത്രാസംസ്‌കാരം വളര്‍ത്തിയെടുക്കാന്‍ കര്‍ശന നടപടികള്‍ സ്വീകരിക്കണമെന്ന് മുഖ്യമന്ത്രി
November 15, 2026