ജിദ്ദ: ഗ്രന്ഥശാലാ പ്രസ്ഥാനത്തിന്റെ സാരഥി പി.എന്. പണിക്കരുടെ ഓര്മ്മകളുണര്ത്തി 'സമീക്ഷ - പി.ജി. സ്മാരക പ്രതിമാസ വായനാവേദി' പുസ്തക ചര്ച്ചയും സിനിമാ സംവാദവും സംഘടിപ്പിച്ചു. എന്കംഫര്ട്ട് ഹാളില് നടന്ന സര്ഗസദസ്സില് ചെയര്മാന് ഹംസ മദാരി അധ്യക്ഷത വഹിച്ചു. കണ്വീനര് അസൈന് ഇല്ലിക്കല് സ്വാഗതം പറഞ്ഞു.
സുനില് സൈദ് ( പ്രണയ വാതില്) - ജസ്ന താഷിബ് എഴുതിയ 'പ്രണയവാതില്' ആസ്വാദനം നിര്വഹിച്ച് സുനില് സയ്യിദ് ഉദ്ഘാടനം നിര്വഹിച്ചു.
മദര് മേരി കംസ് റ്റു മി - അരുന്ധതി റോയ് ( മുസാഫിര് ), മയ്യഴിപ്പുഴയുടെ തീരങ്ങളില്- എം. മുകുന്ദന് ( പ്യാരി മിര്സ ), സുധാമൂര്ത്തിയെക്കുറിച്ചുള്ള കഥ (വിവേക് ), പ്രചോദനദായകമായ ഒരു സാരോപദേശകഥ- അഭീഷ് ശോഭ (സന്തോഷ് വട വട്ടത്ത്), ദി പവര് ഓഫ് യുവര് സബ്കോണ്ഷ്യസ് മൈന്ഡ് - ഡോ. ജോസഫ് മര്ഫി (രവീന്ദ്രന്) എന്നിവര് വായനാനുഭവങ്ങള് പങ്ക് വഹിച്ചു.
അലി അരീക്കത്ത്, സലിം കുമാര് അനുസ്മരണവും ചലച്ചിത്രാസ്വാദനവും നടത്തി. (സിനിമ : ദി വൈറ്റ് ബലൂണ്- ജാഫര് പനാഹി)
കൃപ സന്തോഷും ചലച്ചിത്രാസ്വാദനം നിര്വഹിച്ചു.( 3BHK സംവിധാനം : ഗണേഷ്, തമിഴ്) ഹംസ മദാരി, ഹരിത സാവിത്രിയുടെ സിന്,
അസൈന് ഇല്ലിക്കല്, ദി നോളജ് ഇല്ല്യൂഷനും വിലയിരുത്തി. (സ്റ്റീവന് സ്ലോമന് , ഫിലിപ് ഫേണ്ബാച്).
പ്രവാസ ലോകത്തെ മൃതദേഹങ്ങള് നാട്ടിലയക്കുന്ന ജീവ കാരുണ്യ പ്രവര്ത്തകന് അഷ്റഫ് താമരശ്ശേരിയുടെ ജീവിതമെഴുതിയ ജി. പ്രജേഷ് സെന്നിന്റെ 'ഒടുവില് ഒരു കൂട്ട് 'വായനാനുഭവം സലീനാ മുസാഫിര് പങ്ക് വെച്ചു. നീനു വിവേക് വായനദിന സന്ദേശം നല്കി. മുഹ്സിന് കാളികാവ് നാടന് പാട്ടിന്റെ രംഗാവിഷ്കാരം നിര്വഹിച്ചു. മിര്സാ ശരീഫ്, അബ്ദുല്ല മുക്കണ്ണി, രാജേഷ് നിലമ്പൂര്, അതുല്യ അഭീഷ്, വീരാന് കുട്ടി എന്നിവര് സംസാരിച്ചു.
വായനാദിനപരിപാടികളുടെ സമഗ്രാവലോകനം : റജിയാ വീരാന് നിര്വഹിച്ചു. ബിജു രാമന്തളി നന്ദി പറഞ്ഞു.
.jpg)
Related News
