റിയാദ്: പന്ത്രണ്ട് വര്‍ഷത്തെ പ്രവാസജീവിതം അവസാനിപ്പിച്ച് നാട്ടിലേക്ക് മടങ്ങുന്ന കേളി റൗദ ഏരിയ റൗദ സെന്റര്‍ യൂണിറ്റ് മുന്‍ പ്രസിഡന്റ് മണികണ്ഠന്‍ രാമന്‍കുട്ടിക്ക് യൂണിറ്റിന്റെ നേതൃത്വത്തില്‍ യാത്രയയപ്പ് നല്‍കി. പാലക്കാട് ജില്ലയിലെ കൊല്ലങ്കോട് ആനമാറി സ്വദേശിയായ മണികണ്ഠന്‍ രാമന്‍കുട്ടി റിയാദില്‍ ഡ്രൈവറായി ജോലി ചെയ്തു വരികയായിരുന്നു. റൗദയിലെ സ്വാദ് ഓഡിറ്റോറിയത്തില്‍ നടന്ന ചടങ്ങില്‍ യൂണിറ്റ് എക്‌സിക്യൂട്ടീവ് അംഗം ഷഫീഖ് അധ്യക്ഷത വഹിച്ചു.

കേളി കേന്ദ്ര സെക്രട്ടറി സുനില്‍കുമാര്‍, കേന്ദ്ര ജോയിന്റ് സെക്രട്ടറിമാരായ ഷാജി റസാഖ്, രജീഷ് പിണറായി, കേന്ദ്ര കമ്മിറ്റി അംഗങ്ങളായ സജീവ്, ഹാരിസ്, റൗദ ഏരിയ ആക്ടിങ് സെക്രട്ടറി ബിജി തോമസ്, ഏരിയ സെക്രട്ടറി ഷാജി കെ. കെ., ഏരിയ പ്രസിഡന്റ് സലീം പി. പി., ഏരിയ ട്രഷറര്‍ ഷഫീഖ്, രക്ഷാധികാരി സമിതി അംഗം ബിനിഷ്, ഏരിയ കമ്മിറ്റി അംഗങ്ങളായ ചന്ദ്രന്‍, ഭവിഷ് കുമാര്‍, യൂണിറ്റ് എക്‌സിക്യൂട്ടീവ് അംഗം ശശിധരന്‍ എന്നിവര്‍ ആശംസകള്‍ നേര്‍ന്നു.

യൂണിറ്റിന്റെ ഉപഹാരം യൂണിറ്റ് സെക്രട്ടറി ആഷിക് ബഷീര്‍ മണികണ്ഠന്‍ രാമന്‍കുട്ടിക്ക് കൈമാറി. യൂണിറ്റ് സെക്രട്ടറി ആഷിക് ബഷീര്‍ സ്വാഗതം ആശംസിച്ചു. തുടര്‍ന്ന് മണികണ്ഠന്‍ രാമന്‍കുട്ടി മറുപടി പ്രസംഗം നടത്തുകയും നന്ദി രേഖപ്പെടുത്തുകയും ചെയ്തു.